राष्ट्रिय विपद् जोखिम न्यूनीकरण कार्यकारी समितिको बैठक जारी

काठमाडौँ । राष्ट्रिय विपद् जोखिम न्यूनीकरण कार्यकारी समितिको बैठक सिंहदरबारमा जारी छ । गृहमन्त्री रमेश लेखकको अध्यक्षतामा राष्ट्रिय विपद् न्यूनीकरण तथा व्यवस्थापन प्राधिकरणको कार्यालय सिंहदरबारमा बैठक बसिरहेको हो । 

बैठकमा असोज ११ र १२ गते बाढी, पहिरो र डुबानका कारण भएको क्षतिबारे छलफल गरी खोज, उद्धार, राहत र पुनर्निर्माणबारे निर्णय गरिने बताइएको छ । 

सरोकारवाला मन्त्री र सचिवहरू रहेको बैठकमा मृतकका परिवारलाई राहत, घाइतेको उपचार, आवास क्षति भएकालाई निर्माण लगायतका विषयमा निर्णय गर्ने बुझिएको छ ।