काठमाडौँ । अविरल वर्षाका कारण अहिलेसम्म विपद्का घटनामा परेर २०८ जनाको मृत्यु भएको छ । गत जेठ २८ गतेदेखि देशका विभिन्न स्थानमा आएको बाढी, पहिरोलगायतका विपद्मा परेर मंगलबारसम्म २०८ जनाको मृत्यु भएको प्रहरी प्रधान कार्यालयले जनाएको हो ।
बाढी, पहिरोलगायतका विपद्मा परेर सबैभन्दा बढी गण्डकी प्रदेशमा ५६ जनाको मृत्यु भएको छ । दोस्रोमा बागमती प्रदेशमा ४५ जनाको मृत्यु भएको प्रहरी प्रवक्ता प्रहरी नायब महानिरीक्षक (डीआईजी) दानबहादुर कार्कीले जानकारी दिए ।
उनका अनुसार लुम्बिनीमा ३७, कोशीमा २९, सुदूरपश्चिममा १६, कर्णालीमा १४, मधेश प्रदेशमा ८ र काठमाडौं उपत्यकामा ३ जना गरेर जम्मा २०८ जनाको मृत्यु भएको हो ।
कर्णालीमा ६७, गण्डकीमा ४७, कोशीमा ४२, सुदूरपश्चिममा ३६्, बागमतीमा ३१, लुम्बिनीमा २५, मधेश प्रदेशमा १२ र काठमाडौँ उपत्यकामा ११ जना गरेर जम्मा २७१ जना घाइते भएको प्रहरी प्रवक्ता कार्कीले जानकारी दिए । उनका अनुसार घाइतेको स्थानीय अस्पतालमा उपचार गरिएको छ ।
कोशीमा ४९, काठमाडौँ उपत्यकामा ३३, गण्डकीमा १४, बागमतीमा १२, लुम्बिनीमा ४, कर्णालीमा २ र सुदूरपश्चिम प्रदेशमा १०१ गरी जम्मा २१५ जनाको उद्धार गरिएको छ । बाढी पहिरोमा परी बागमतीमा ४४, कोशीमा ३, गण्डकीमा २, मधेश, लुम्बिनी, कर्णाली र सुदूरपश्चिम प्रदेशमा १-१ जना गरेर ५३ जना बेपत्ता रहेका छन् । बेपत्ताको खोजी कार्य जारी रहेको प्रहरीले जनाएको छ ।
बाढीको कारण ४०८ घर डुबानमा परेका छन् । ३६४ घर, १२६ गोठ, ५२ पुल, ६ विद्यालय र २ वटा सरकारी कार्यालयमा क्षति पुगेको छ । ९७२ वटा पशु चौपायाको मृत्यु भएको छ । उक्त अवधिमा विपद्का घटनाबाट ६ हजार ४९ घर परिवार विस्थापित भएका छन् ।
प्रतिक्रिया दिनुहोस
सफल खबर संवाददाता
मंगलबार, ११ भदौ २०८१, २० : ३४
लेखकबाट थप
सम्बन्धित समाचारहरु
सिंहदरबारमा राष्ट्रिय विपद् जोखिम न्यूनीकरण कार्यकारी समितिको बैठक
विपद्मा परेकाको हवाई उद्धार भाडा विपद् कोषबाट भुक्तानी हुने
यी हुन् सरकारले विपद् सङ्कटग्रस्त क्षेत्र घोषणा गरेका ४१ स्थानीय तह
विपद् अपडेट : मृतकको संख्या २१७ पुग्यो, २८ अझै बेपत्ता
मधेशमा विपद्बाट पाँच जनाको मृत्यु, ५ सय मानिस विस्थापित
राष्ट्रिय विपद् जोखिम न्यूनीकरण कार्यकारी समितिको बैठक जारी