बाढीपहिरो प्रभावितहरूलाई राहतको व्यवस्था गर्न जनमतको माग

काठमाडौँ । बाढीपहिरोबाट प्रभावितहरूको राहत कार्यलाई थप सक्रियताको साथ अगाडी बढाउन जनमत पार्टीले नेपाल सरकारसँग माग गरेको छ ।

बाढीपहिरोबाट प्रभावित नागरिकहरूलाई सुरक्षित स्थानको व्यवस्थापन गर्न र राहत कार्यलाई थप सक्रियताको साथ अगाडी बढाउन जनमतले माग गरेको हो । जनमत पार्टीका प्रवक्ता डा. शरद सिंह यादवले आइतबार विज्ञप्ति निकालेर व्यवस्थापनको कार्य युद्ध स्तरमा गर्न भनेका छन् ।

‘विपद् व्यवस्थापनको तयारीमा सरकार कमजोर देखिएको छ’, प्रवक्ता यादवले जारी गरेको विज्ञप्तिमा भनिएको छ, ‘सतर्कता र उद्धारको तयारी कमजोर हुँदा देशका विभिन्न भू–भागमा बाढीपहिरो सँगै डुबानमा परि भएको ठुलो जनधनको क्षति प्रति जनमत पार्टीले गहिरो दुख व्यक्त गर्दै र मृत्यु भएकाहरू प्रति हार्दिक श्रद्धाञ्जली दिदैं नेपाल सरकारको गम्भीर ध्यानाकर्षण गराउन चाहन्छौँ ।’