विभिन्न स्थानमा ५ जना मृतावस्थामा फेला

काठमाडौं । विभिन्न स्थानमा ५ जना मृतावस्थामा फेला परेका छन् । प्रहरी प्रधान कार्यालयका अनुसार महोत्तरीको मनराशिश्वा नगरपालिका-५ स्थित दशगजाक्षेत्रमा भारत सितामाढी थाना सोनवर्षा भुतही-१२ बस्ने ३५ वर्षीय रबिन्द्र साह मृत अवस्थामा फेला परेका छन् ।

यसैगरी पाल्पाको रम्भा गाउँपालिका-५ बाकुम बस्ने ५९ वर्षीय केसरसिंह गाहा पनि सोही ठाउँस्थित बाटोको नालीमा बिहीबार मृत अवस्थामा फेला परेका छन् ।

यसैगरी धनुषाको नगराईन नगरपालिका-२ नगराईन चोकमा अन्दाजी ७० वर्षीय पुरूष तथा पर्वतको कुश्मा नगरपालिका-८ दोविल्लामा अन्दाजी ६५ वर्षीय पुरूष समेत मृत अवस्थामा फेला परेको कार्यालयले जनाएको छ ।

यसैगरी रूपन्देहीको बुटवल उपमहानगरपालिका-११ स्थित तिनाउ नदीमा हाल नाम, थर, वतन नखुलेका पुरूष मृत अवस्थामा फेला परेका छन् । सबै घटनाका सम्बन्धमा थप अनुसन्धान गरिरहेको प्रहरीले जनाएको छ ।