ढाका । बङ्गलादेशमा विद्यार्थीहरूको विरोध प्रदर्शनमा पुनः हिंसा भड्किएको छ । विद्यार्थीहरूले हालै हिंसामा परेका पीडितका लागि न्याय माग्दै प्रदर्शन गरेका थिए । सो क्रममा हिंसा भड्किएको हो ।
उत्तरपूर्वी सहर सिल्हटमा बुधवार प्रदर्शनकारीहरूले एक प्रहरीमाथि आक्रमण गरेपछि प्रहरीले उनीहरूमाथि अश्रु ग्यास प्रहार गरेका थिए । राजधानी ढाकासहित अन्य सहरमा पनि झडपका घटना भएका छन् ।
यो महिनामा सरकारी जागिरमा आरक्षणको विरोधमा भएका देशव्यापी हिंसात्मक विरोध प्रदर्शनमा दुई सयभन्दा बढीको मृत्यु भएको थियो । प्रहरीले झन्डै एक हजारलाई समातेको छ । दक्षिणी सहर बरिसालबाट बीबीसी बंगलालाई पठाइएका तस्बिरहरूमा प्रहरीले प्रदर्शनकारीलाई लाठी प्रहार गरेको देख्न सकिन्छ ।
बुधवार विद्यार्थीहरूले न्यायको लागि प्रदर्शनको आह्वान गरेका थिए । विद्यार्थीहरूको सामूहिक हत्या, आक्रमण, गिरफ्तारी र बेपत्ता पारिएको भन्दै विद्यार्थीहरू विरोधमा प्रदर्शन उत्रिएका छन् ।
प्रतिक्रिया दिनुहोस
सफल खबर संवाददाता
विहीबार, १७ साउन २०८१, १० : ५७
लेखकबाट थप
सम्बन्धित समाचारहरु
बङ्गलादेशमा जमात–ए–इस्लामीमाथिको प्रतिबन्ध फुकुवा
बङ्गलादेशमा १३ वर्षयताकै उच्च मूल्यवृद्धि, नयाँ सरकारलाई चुनौती
बङ्गलादेशमा युनुसद्वारा अन्तरिम सरकारको नेतृत्व ग्रहण
बङ्गलादेशमा अवामी लिगका २० नेताको शव भेटियो
बङ्गलादेशमा बन्यो नयाँ सरकार
बङ्गलादेशमा सत्ता उलटपुलट अपडेटः रिहा भएका राजनीतिक बन्दीको पर्खाइमा परिवार