घुससहित पक्राउ परेका इन्जिनियरविरुद्ध मुद्दा दायर

काठमाडौँ । ताप्लेजुङको फुङलिङ नगरपालिकामा कार्यरत इन्जिनियर मो. अख्तर हुसैनविरुद्ध अख्तियार दुरुपयोग अनुसन्धान आयोगले मंगलबार भ्रष्टाचार मुद्दा दायर गरेको छ । खेलकुद मैदान निर्माण कार्यमा सेवाग्राहीसँग एक लाख रुपैयाँ घुस लिएको आरोपमा उनलाई अख्तियारले नियन्त्रणमा लिएको थियो ।

हुसैनलाई भ्रष्टाचार निवारण ऐन, २०५९ को दफा ३ को उपदफा (१) को देहाय (ग) बमोजिम कैद सजाय गरी सोही ऐनको दफा ३ को उपदफा (१) अनुसार बिगो बमोजिम जरिवाना सजाय मागदाबी लिई मुद्दा दायर गरिएको प्रवक्ता नरहरि घिमिरेले जानकारी दिए ।