जुवातास खेलिरहेका १३ जना पक्राउ

काठमाडौं। काभ्रेको पनौती नगरपालिका-७ स्थित एक घरमा जुवातास खेलिरहेका ६ जनालाई प्रहरीले पक्राउ गरेको छ । पनौती बसपार्कनजिकै दुर्गा बहादुर घलानको घरमा जुवातास खेलिरहेका घलानसमेत ६ जनालाई सोमबार दिउँसो प्रहरीले पक्राउ गरेको हो । 

जिल्ला प्रहरी कार्यालय काभ्रेबाट खटिएको प्रहरीले उनीहरूलाई २३ हजार ३ सय ५५ रुपैयाँ र १ सय ६१ पत्ती ताससहित पक्राउ गरेको हो ।

यसैगरी सुनसरीको ईटहरी उपमहानगरपालिका-८ शहीद टोल बस्ने पृथ्वीराज खड्काको घरमा जुवातास खेलिरहेको सात जनालाई पक्राउ गरिउको छ ।

सीआरभी बसपार्कबाट खटिएको प्रहरीले उनीहरूलाई नगद २६ हजार ६ सय ५ रुपैयाँ र ३ बुक ताससहित पक्राउ गरेको हो । दुवै घटनाबारे थप अनुसन्धान भइरहेको प्रहरीले जनाएको छ ।