काठमाडौँ । प्रधानमन्त्री पुष्पकमल दाहाल प्रचण्डले देशका माफिया शक्तिले एमाले र कांग्रेसलाई मिलाउन सफल भएको बताएका छन् । शुक्रबार प्रतिनिधि सभा बैठकमा विश्वासको मत लिने क्रममा उनले सरकारको सुशासनबाट आत्तिएको समूहले दुई दल मिलाएको दाबी गरेका हुन् ।उनले भने–‘हिजो कानुन माथि नै शासन गरिरहेको वर्ग सरकारसँग डरायो । त्रिभुवन विश्वविद्यालयको जग्गा खोज्न थालियो एउटा समूह डरायो ।
ललिता निवासको विस्तृत अनुसन्धान र जग्गा फिर्तीको प्रक्रिया सुरु भयो, अर्को समूह डरायो, भुटानी शरणार्थीको निष्पक्ष अनुसन्धान सुरु भयो अर्को ठुलै समूह डरायो ।
बाँसबारी देखि बालमन्दिर सम्मका जग्गा खोजी हुन थालेपछि यो देशको शक्ति सन्तुलन नै खल्बलिन थाल्यो । त्यही वर्गले देशको पहिलो र दोस्रो दल मिलायो । तपाईँहरूलाई अनौठो लाग्ला त्यो समूहले आफ्नो शक्ति देखायो ।
सरकारको सफलता नै सरकार ढाल्ने पूर्ण आधार बन्न गएको बताउँदै उनले समाजवाद उन्मुख राष्ट्र निर्माणको सङ्कल्प गरेपनि व्यवहारमा त्यो नभएको बताए ।उनले भने–‘देशमा भिआइपी वर्ग सुरु भयो । एउटा वर्गले सरकारी जग्गा लुटेपनि हुने भयो । तस्करी गरेपनि हुने भयो । कानुन मिचेपनि हुने भयो ।
यसले आम जनतामा घृणा र आक्रोश बढाएर लोकतन्त्रमाथि नै प्रश्न उठ्ने अवस्था सिर्जना हुँदै गयो । त्यो वर्ग यति शक्तिशाली भइसकेको थियो कि त्यसलाई दण्डित गर्ने त परको कुरा प्रश्न गर्ने हैसियत पनि धेरै राजनीतिज्ञहरूले गुमाएको स्थिति देशमा देखा पर्ने अवस्था बन्न गयो ।
म नेपाली जनतालाई बुझिने गरी भन्न चाहन्छु, सरकार नै ढल्ने आज जुन परिस्थिति बन्दै छ, त्यो सरकारले कानुनको पालना गराउने, विधिको शासन सुरु गर्ने, सुशासनमा सम्झौता नगर्ने अठोट र कारणले बन्न गयो ।’प्रधानमन्त्री प्रचण्डले अब जनता जाग्नुपर्ने र आफ्नो शक्ति देखाउने बेला आएको बताए । जनता नजागे अब देश माफियाको हातमा जाने अवस्था रहेको बताए ।
प्रतिक्रिया दिनुहोस
सफल खबर संवाददाता
शुक्रबार, २८ असार २०८१, १३ : १५
लेखकबाट थप
सम्बन्धित समाचारहरु
विपद्को बेलामा खोज उद्धारमा लाग्नुपर्ने बेला सरकार परिवर्तनको खेला विडम्बनापूर्ण : प्रधानमन्त्री प्रचण्ड
प्रधानमन्त्री प्रचण्डलाई ६३ जना सांसदको मात्र समर्थन !
अल्पमतमा परेका प्रधानमन्त्रीलाई थप ८ मन्त्रालयको जिम्मा
प्रधानमन्त्री प्रचण्ड र अध्यक्ष ओलीबिच भेटवार्ता
विदेशमा अप्ठेरोमा परेका नेपालीहरूको उद्धारलाई उच्च प्राथमिकतामा राखिएको छ : प्रधानमन्त्री प्रचण्ड
तामाङ र नेवार समुदाय भएका कारण गणतन्त्र आएको हो : प्रधानमन्त्री प्रचण्ड