सरकार ७६ (२) अनुसार नै बन्ने महेश बर्तौलाको दाबी

काठमाडौँ । नेकपा एमालेले काँग्रेस-एमालेसहितको राष्ट्रिय सरकार संविधानको ७६ (२) अनुसार नै बन्ने प्रस्ट्याएको छ ।

संसदीय दलको बैठकपछि एमाले प्रमुख सचेतक महेश बर्तौलाले अझै पनि षड्यन्त्र गरेर मुलुकलाई अस्थिरतातर्फ लैजान सकिन्न कि भनेर अनेक भ्रम छर्न खोजिएको जिकिर गरे ।

सर्वोच्च अदालतका नजिर, व्यवहारिक, राजनीतिक सबै कारणले ७६ (२) अनुसार नै सरकार गठन हुने उनको स्पष्टोक्ति थियो । उनले भने, ‘काँग्रेस र एमाले मिलेर राष्ट्रिय सरकार बनाएर अघि बढ्ने भनिसकेपछि त्यही हो मुख्य आधार । गण्डकी कोशीमा पनि यही धाराबाट सरकार बनेको छ । संविधानलाई भ्रमणपूर्ण ढङ्गबाट व्याख्या गर्न खोजिँदै छ । ७६ (३) बमोजिम भन्दै गर्दा काँग्रेस ठुलो दल छ भन्ने हिसाबले व्याख्या गर्न सकिन्छ । तर, काँग्रेस स्वयंले एमालेसँग समझदारी बनाइसकेको अवस्थामा सहमतिअनुसार नै कार्यान्वयन हुन्छ ।’