संसद्‌मा प्रतिपक्षी बेन्चमा बस्यो एमाले

काठमाडौं। प्रधानमन्त्री पुष्पकमल दाहाल 'प्रचण्ड' नेतृत्वको सरकारलाई दिएको समर्थन फिर्ता गरेको नेकपा एमाले आइतबारदेखि प्रतिपक्षी बेन्चमा बसेको छ ।यस्तै, प्रचण्ड नेतृत्वको सकारलाई दिएको समर्थन फिर्ता गरेको जसपा नेपाल पनि प्रतिपक्षी बेन्चमा बसेको छ ।

एमालेले असार १९ गते सरकारलाई दिएको समर्थन फिर्ता गरेको थियो ।त्यसको जानकारी असार २१ गते संसद् सचिवालयलाई गराइएको थियो । 

कांग्रेस र एमालेबीच नयाँ सरकार गठनको सहमति भएसँगै एमालेले सरकारलाई दिएको समर्थन फिर्ता गरेको थियो ।अल्पमतमा परेका प्रचण्डले असार २८ गते संसद्‌मा विश्वासको मत माग्ने तयारी गरेका छन् ।