नेतन्याहूको दाबी– गाजामा हमास उन्मूलनको अन्तिम चरणमा छौँ

काठमाडौं।  जेरुसेलम–इजरायली प्रधानमन्त्री बेन्जामिन नेतन्याहूले आफ्नो देश गाजापट्टीमा हमासको सशस्त्र बललाई उन्मूलन गर्ने अन्तिम चरणमा रहेको दाबी गरेका छन् ।

नेतन्याहूले हमासको उन्मूलन गर्ने दिशामा आफू अघि बढिरहेको दाबी इजरायलको राष्ट्रिय सुरक्षा कलेजका क्याडेटसँगको बैठकमा साेमवार गरेका हुन् ।

यसअघि नेतन्याहूले गाजा डिभिजनको भ्रमण गरी रक्षामन्त्री योव ग्यालेन्ट र सेनाका वरिष्ठ कमान्डसँग सुरक्षा मूल्याङ्कन बैठक गरेका थिए । त्यसको एक दिनपछि नेतन्याहूको यस्तो भनाइ आएको हो । राफाह लडाइँमा जोड दिँदै हमासमाथि सैन्य दबाबको निरन्तरता कायम राख्ने नेतन्याहूको सचिवालयले जनाएको छ ।

इजरायलले अप्रिलको शुरूमा खान युनुसमा ठूलो आक्रमण गर्दै पछि आफ्ना अधिकांश सेना फिर्ता लिएको थियो ।