मनकामना केबुलकार ५० दिन बन्द हुने

काठमाडौं ।  गोरखामा रहेको मनकामना केबुलकार ५० दिनका लागि बन्द हुने भएको छ।

मर्मत संभार र स्तरोन्नतीका लागि केबुलकार झण्डै दुई महिना बन्द गर्न लागिएको मनकामना केबुलकार प्रालिले जनाएको छ । 

नियमित मर्मतसम्भार गर्नुपर्ने भएकाले यही असार ३१ गतेदेखि आगामी असोज १० गतेसम्म केबुलकार बन्द गर्न लागिएको मनकामना केबुलकारले जनाएको छ ।  डिजिटल प्रणाली स्तरोन्नति र मुख्य केबुल तार (लट्ठा) समेत फेर्ने तयारी भएकाले बन्द गर्न लागिएको हो । 

मनकामना केबुलकार प्रालिले एक महिनाअगाडि नै सूचना निकालेर यात्रुलाई सेवा बन्द हुने विषयमा जानकारी गराएको हो।