एजेन्सी । इजरायली सेनाले हमासले अपहरण गरेका थप चार जनाको मृत्यु भएको पुष्टि गरेको छ ।
दक्षिणी गाजाको खान युनिसमा इजरायली कारबाहीका क्रममा चारैजना सँगै मारिएको र उनीहरुको शव अझै पनि विद्रोहीहरूसँगै रहेको इजरायल डिफेन्स फोर्सेज (आईडीएफ) ले जनाएको छ ।
मृत्युको पुष्टि भएकामा बेलायती–इजरायली ५१ वर्षीय नादाभ पोपलवेल, ७९ वर्षीय चाइम पेरी, ८० वर्षीय योराम मेट्जगर र ८५ वर्षीय अमिरम कुपर रहेका पुरुष हुन् ।
आईडीएफले इसबारे उनीहरुको परिवारलाई जानकारी गराएको जनाइएको बीबीसीले उल्लेख गरेको छ । उक्त जानकारी गुप्तचर निकाय, स्वास्थ्य मन्त्रालयको विज्ञ समिति र रिलिजियस सर्भिससम्बन्धी मन्त्रालय र इजरायलका चिफ रबीको माध्यमबाट पुष्टि भएको जनाइएको छ ।
गत अक्टोबर ७ मा हमासले इजरायलमाथि आक्रमण गरेपछि अरूसँगै ती चारजनालाई पनि बन्धक बनाइएको थियो ।
प्रतिक्रिया दिनुहोस
एजेन्सी
मंगलबार, २२ जेठ २०८१, ०९ : ५६
लेखकबाट थप
सम्बन्धित समाचारहरु
आज ३ इजरायली, ५ थाई बन्दीलाई रिहा गर्दै हमास
थप छ जना इजरायली बन्धकहरूलाई रिहा गर्दै हमास
हमासले युद्धविराम सम्झौता उल्लङ्घन गरेको इजरायलको आरोप
हमासले ४ इजरायली बन्धक र इजरायलले २०० प्यालेस्टाइनी कैदी रिहा गर्ने
हमासले आज रिहा गर्ने चार जनाको नाम सार्वजनिक गर्दै
हमासले युद्धविराम अन्तर्गत पहिलो चरणमा रिहा गर्ने तीन बन्धकको नाम सार्वजनिक