हेटौंडा । मकवानपुरमा सवारी दुर्घटनामा परेर घाइते भएका एकजनाको उपचारको क्रममा मृत्यु भएको छ।
मनहरी गाउँपालिका ६ नयाँ बजारस्थित पूर्वपश्चिम राजमार्गमा ट्रकको ठक्करबाट घाइते भएका हेटौडा – ८ कमानेका ४५ वर्षीय दिनेश कार्कीको गएराति मृत्यु भएको हो।
हेटौँडाबाट चितवनतर्फ जाँदै गरेको ना ५ ख ७७२१ नम्बरको ट्रकले चितवनबाट हेटौँडा तर्फ आउँदै गरेको बागमती प्रदेश ०३–००४ प ६९७३ नम्बरको बुलेट मोटरसाइकलाई ठक्कर दिँदा कार्की गम्भीर घाइते भएका थिए।
उपचारका क्रममा चितवनमा उनको मृत्यु भएको जिल्ला प्रहरी कार्यालय मकवानपुरका प्रहरी नायब उपरिक्षक लक्ष्मी भण्डारीले जानकारी दिए।
ट्रकको ठक्करबाट टाउको र शरीरका बिभिन्न भागमा चोट लागेका कार्कीको नयाँ मेडिकल कलेज चितवनमा गएराति मृत्यु भएको हो।
प्रतिक्रिया दिनुहोस
सफल खबर संवाददाता
आइतबार, १३ जेठ २०८१, ०८ : ४०
लेखकबाट थप
सम्बन्धित समाचारहरु
बसको ठक्करबाट ७ वर्षीय बालकको मृत्यु
मोटरसाइकलले ठक्कर दिँदा बालकको मृत्यु
धनुषामा पोखरीमा डुबेर तीनजना बालकको मृत्यु
सर्पले टोकेर बालकको मृत्यु
माडीमा चट्याङ लागेर महिलाको मृत्यु
बबई सिँचाइको नहरले बगाउँदा तीन वर्षीया बालिकाको मृत्यु