प्यालेस्टिनीहरूले पीडा भोगिरहेका छन् : बाइडेन

वासिङ्टन । अमेरिकी राष्ट्रपति जो बाइडेनले प्यालेस्टिनीहरूले पीडा भोगिरहेको बताउँदै गाजामा तुरुन्तै सहायता बढाउन आवश्यक रहेको स्वीकार गरेका छन्।सहायताको पहिलो खेप समुद्री मार्गबाट ​​गाजा आइपुगेको जानकारी दिँदै बाइडेनले यस्तो बताएका हुन् ।

बाइडेनले सोसल मिडिया प्लेटफर्म एक्समा पोस्ट लेखेका छन्, ‘यो स्पष्ट छ कि प्यालेस्टिनीहरूले पीडा भोगिरहेका छन्। तत्काल सहयोग बढाउनुपर्ने आवश्यकता छ । हामी इजरायलसँग मिलेर गाजामा सहायता बढाउन प्रयास गरिरहेका छौँ ।’ 

यसअघि अमेरिकी सेनाले गाजामा समुद्री मार्गबाट ​​सहायताको पहिलो खेप आइपुगेको पुष्टि गरेको थियो। अमेरिकाले भन्यो, ‘गाजामा प्यालेस्टिनी नागरिकहरूलाई सहयोग गर्न बहुराष्ट्रिय प्रयास जारी रहनेछ।

समुद्रबाट पठाइने यो सहायता पूर्णतया मानवीय हो।’ अमेरिकी केन्द्रीय कमाण्डका अनुसार आगामी दिनमा ५०० टन राहत सामग्री गाजा पुग्ने अपेक्षा गरिएको छ ।