काठमाडौँ । नेकपा एमालेका अध्यक्ष केपी शर्मा ओलीले वर्तमान गठबन्धन भत्काउन देशी-विदेशी शक्ति लागिपरेको बताएका छन् । वर्तमान गठबन्धन भत्काउन प्रधानमन्त्रीको पद किस्तीमा राखेर प्रतिक्रियावादी तत्त्वहरू लागिपरेको ओलीको आरोप थियो ।
पश्चिम नवलपरासीमा एमालेको नवौँ जिल्ला अधिवेशन उद्घाटन समारोहलाई शुक्रबार सम्बोधन गर्दै ओलीले यस्तो बताएका हुन् । वर्तमान गठबन्धनले जनतालाई विकास र समृद्धिको बाटोतर्फ अगाडि बढाउने उल्लेख गर्दै ओलीले २०८४ को चुनावमा एमाले थप मजबुत बनेर आउने जिकिर गरे ।
पार्टीभित्रको एकतालाई थप मजबुत बनाउन नेता र कार्यकर्तालाई निर्देशन दिए । जिल्ला अधिवेशनमा सहमतिको नाममा नलम्ब्याउन भन्दै नेतृत्वका लागि इच्छा भएका साथीहरुबीच लोकतान्त्रिक प्रक्रियाबाट नेतृत्व चयन गर्न र सहमतिको नाममा अधिवेशन नलम्ब्याउन जिल्ला नेतृत्वलाई निर्देशन दिए ।
अध्यक्ष ओलीले आजै जिल्लाको सुस्ताको नारायणी नदीमा निर्माणाधीन पुल, रामग्राम स्तूप र पूर्वी नवलपरासीको त्रिवेणीमा रहेको गजेन्द्र मोक्ष धामको अवलोकन गरेका थिए । जिल्लाभरिबाट ४ सय २६ प्रतिनिधि छनौट भएका छन् ।
एमालेको जिल्ला कमिटी १ सय ५ जनाको जिल्ला कमिटी चयन गर्ने छ । वर्तमान अध्यक्ष दिपेन्द्र अधिकारी र सचिव धिरज शर्मा अध्यक्षका लागि आकाङ्क्षी छन् ।
प्रतिक्रिया दिनुहोस
सफल खबर संवाददाता
शुक्रबार, २१ बैशाख २०८१, १९ : १४
लेखकबाट थप
सम्बन्धित समाचारहरु
संविधान संशोधन आँट गर्ने र हेर्ने विषय होइन : प्रधानमन्त्री ओली
केही ठगहरू छिरेर सहकारीको बदनाम गराए : प्रधानमन्त्री ओली
ओलम्पिकमा पदक जित्न सक्ने खेलाडीहरूको उत्पादनमा जोड दिनुपर्छ : प्रधानमन्त्री ओली
प्रधानमन्त्री र अमेरिकी उपविदेशमन्त्रीबीच भेट, के भयो छलफल ?
बहुदलीय व्यवस्था हामीले रोजेर अपनाएका हौं, दायाँबायाँ गर्दैनौं : प्रधानमन्त्री ओली
रेल र पानी जहाजमा मेरो निकै मजाक उडाए, गफ दियो भने : प्रधानमन्त्री ओली