घट्यो डिजेल र मट्टितेलको मूल्य

काठमाडौँ । नेपाल आयल निगमले डिजेल र मट्टितेलको मूल्य घटाउने निर्णय गरेको छ । निगम सञ्चालक समितिको मंगलबारको बैठकले डिजेल र मट्टितेलको मूल्य प्रतिलिटर २ रुपैयाँ घटााउने निर्णय गरेको हो ।

यस्तै हवाइ इन्धन आन्तरिक तर्फ प्रतिलिटर १ रुपैयाँ तथा अन्तर्राष्ट्रियतर्फ प्रतिकिलोलिटर अमेरिकी डलर ७ ले वृद्धि गरेको निगमले जारी गरेको विज्ञप्तिमा उल्लेख छ । तर, एलपी ग्यास र पेट्रोलको मूल्य भने यथावत राखिएको निगमले स्पष्ट पारेको छ । भारतीय आयल निगमले मूल्य वृद्धि गरेर पठाएपछि निगमले पनि स्थानीय बजारमा मूल्य समायोजन गरेको हो।

नयाँ मूल्यसँगै काठमाडौँमा डिजेल तथा मट्टीतेलको मूल्य १५९ ?पैयाँ कायम भएको छ । बुधारदेखि कार्यान्वयनमा आएको नयाँ मूल्यअनुसार हवाइ इन्धन (आन्तरिक) को प्रतिलिटर १३७ र अन्तररष्ट्रियतर्फको डलर १.०४२ कायम भएको छ । निगमका अननुसार भारतीय आयल निगमले मंगलबार पेट्रोल र डिजेलको मूल्यमा प्रति लिटर क्रमशः रु ०.०२ र रु २.४५ ले घटाएर पठाएको थियो । यस्तै हवाई इन्धनको मूल्यप्रति लिटर रू १.१८ ले बढेर आएको थियो ।