चितवन । पूर्वी चितवनको राप्ती नगरपालिकामा स्कुल बसको ठक्करबाट साइकल यात्रीको मृत्यु भएको छ । मृत्यु हुनेमा राप्ती नगरपालिका–४ बस्ने ४५ वर्षीय विष्णुभक्त श्रेष्ठ रहेका छन् ।
आज बिहान करिब ६ बजेको समयमा राप्ती–५ खहरेपुल नजिकै पूर्व–पश्चिम राजमार्गमा भरतपुरबाट पिप्लेतर्फ जाँदै गरेको बा प्र ०३–००१ क ०८९२ नम्बरको अंकुरम एकेडेमीको स्कुल बसले सोहि दिशातर्फ साइकलमा जाँदै गरेका श्रेष्ठलाई ठक्कर दिएको थियो ।
टाउको र अनुहारमा गम्भिर चोट लागि घाईते भएका श्रेष्ठको उपचारको क्रममा आज बिहान १० बजे पुरानो मेडिकल कलेजमा मृत्यु भएको जिल्ला प्रहरी कार्यालय चितवनका प्रवक्ता श्रीराम भण्डारीले जानकारी दिए ।
अंकुरम एकेडेमीको स्कुल बस, बस चालक नुवाकोट तारकेश्वर गाउँपालिका–४ बस्ने बर्ष २५ को ईश्वर श्रेष्ठ र साईकललाई प्रहरीले नियन्त्रणमा लिएको छ ।
प्रतिक्रिया दिनुहोस
सफल खबर संवाददाता
मंगलबार, २२ फागुन २०८०, २० : ३०
लेखकबाट थप
सम्बन्धित समाचारहरु
ट्रकको ठक्करबाट ७२ वर्षीया महिलाको मृत्यु
क्षेत्रपुरमा बलेरोको ठक्करबाट स्कुटर चालक घाइते
धादिङमा दुइवटा कार आपसमा ठोकिदाँ चार जना घाइते
फिस्लिङमा ग्यास बुलेटको ठक्करबाट एक महिलाको मृत्यु
जवाङ खोला नजिक ट्रक र कार ठोक्किए , कार चालक घाइते
कारले ठक्कर दिदाँ मोटरसाइकल चालकको मृत्यु