काठमाडौँ। नेपाली बलर चम्किएपछि त्रिदेशीय टी–२० सिरिजअन्तर्गत नेदरल्याण्ड्सले जितका लागि नेपाललाई १२१ रनको सामान्य लक्ष्य दिएको छ । कीर्तिपुरस्थित मैदानमा टस जितेर ब्याटिङ रोजेको नेदरल्याण्ड्स १९.३ ओभरमा १२० रन बनाउँदै अलआउट भएको हो ।
नेपालका लागि करण केसी, प्रतिश जिसी, कुशल मल्ल र दीपेन्द्रसिंह ऐरीले प्रत्येक ओभरमा २/२ विकेट लिए । पहिलो ओभरमै नेपालका लागि करण केसीले दुई विकेट लिएका थिए ।
करण केसीले माइकल लेभिटलाई पहिलो ओभरको चौथो बलमा ४ रनमा क्याचआउट गराएका थिए । चौथो बलमा लेबिटलाई दीपेन्द्रसिंह ऐरीको हातबाट क्याचआउट गराएपछि पहिलो ओभरको अन्तिम बलमै फेरि करणले साइब्रान्डलाई आशिफ शेखबाट क्याचआउट गराएर उत्कृष्ट शुरूआत दिलाएका थिए ।
नेपालका लागि प्रतिश जिसीले ३, केसीले २ र कुशल मल्लले पनि २ विकेट लिए । करणपछि नवौ ओभरमा प्रतिश जिसीले पनि दुई विकेट निकालेर नेदरल्याण्डसलाई दबाबमा राखे । ८.१ ओभरमा जिसीले स्कट एडवार्डलाई १८ रनमा बोल्ड गरेका हुन् । इडवार्डले २१ बलमा १८ रन बनाए । जिसीले ८.५ ओभरमा म्याक्स ओडाउडलाई पनि बोल्ड गर्न पुगे । आउट हुनु अघि म्याक्सले २४ बलमा ३१ रन बनाए ।
१० औं ओभरमा कुशल मल्लले पनि २ विकेट लिए । कुशलले ९.५ र अन्तिम ओभरको अन्तिम बलमा लगातार दुई विकेट लिए । कुशलले नस क्रसलाई ३ र आर्यन दत्तालाई शून्य रनमा आउट गरेपछि १० ओभरमा नेदरल्याण्डस् ६० रन जोड्दा ६ विकेट गुमाउन पुग्यो ।
दीपेन्द्रसिंह ऐरीले एक विकेट लिए । १८ औ ऐरीको ओभरमा पनि नेपालले २ विकेट लियो । १४.३ ओभरमा प्रतिशले फेरि तेजा निदामनरुलाई ५ रनमा बोल्ड गर्दै तीन विकेट लिए ।
प्रतिक्रिया दिनुहोस
सफल खबर संवाददाता
शनिबार, १९ फागुन २०८०, १५ : ०७
लेखकबाट थप
सम्बन्धित समाचारहरु
सिरिज जित्न नेपालले दियो नेदरल्याण्ड्सलाई १८५ रनको लक्ष्य
नेदरल्याण्ड्सविरुद्ध नेपालललाई लगातार दुई झट्का
नेदरल्याण्ड्सविरुद्ध नेपालको उत्कृष्ट प्रदर्शन, १० ओभरमा छैटौं सफलता
हङकङविरुद्ध नेपाललाई छैटौँ सफलता, ललितले लिए विकेट
हङकङविरुद्ध नेपाललाई दोस्रो झट्का, सोमपाल ८ रन बनाएर पेवेलियन फर्किए