इमरान खान र उनकी पत्नीलाई तोकियो १४ वर्ष जेल सजाय

काठमाडौं।  इस्लामाबाद– पाकिस्तानका पूर्वप्रधानमन्त्री इमरान खान र उनकी पत्नी बुशरा बीबीलाई भ्रष्टाचारको अभियोगमा बुधवार १४ वर्षको जेल सजाय सुनाइएको छ।

राष्ट्रिय निर्वाचनको एक साताअघि खानलाई राज्यको गोप्य सूचना चुहावटसम्बन्धी मुद्दामा १० वर्षको जेल सजाय सुनाइएको एक दिनपछि यो फैसला आएको हो ।

पाकिस्तान तेहरीक–ए–इन्साफ (पीटीआई)का संस्थापक तथा पूर्वप्रधानमन्त्री खान र उनकी पत्नीलाई १० वर्षसम्म कुनै पनि सार्वजनिक पद धारण गर्न अयोग्य घोषित गरिएको छ । यस्तै खानलाई ७८ करोड ७० लाख पाकिस्तानी रुपैयाँ जरिवानासमेत गरिएको छ ।

एआरवाई न्यूजका अनुसार बुधवारको सुनुवाईमा पीटीआईका संस्थापक बीबीलाई अदालतमा पेश गरिएको थियो ।खानको पीटीआई पार्टीका प्रवक्ताले भने, ‘हाम्रो न्यायिक प्रणालीलाई भत्काइँदैछ । यो पाकिस्तानको इतिहासमा अर्को दुःखद दिन हो ।’

गत अगष्टमा पक्राउ परेदेखि अधिकांश समय हिरासतमा राखिएको जेलभित्र भएको सुनुवाइपछि खानको सजाय लगातार वा सँगसँगै चलिरहने हो वा होइन भन्ने स्पष्ट हुन सकेको छैन ।खानका वकिल सलमान सफदरले पनि एएफपीसँग कुरा गर्दै खान र उनकी पत्नी बुशरा बीबीलाई सजाय सुनाइएको पुष्टि गरेका छन् ।

‘खान र उनकी पत्नी बीबीलाई सजाय सुनाइएको छ । बीबीलाई अहिलेसम्म पक्राउ गरिएको छैन,’ सफदरले भने ।उनीहरूको सन् २०१८ मा खान प्रधानमन्त्री निर्वाचित हुनुभन्दा केही महिनाअघि विवाह भएको थियो ।

खानले आध्यात्मिक मार्गदर्शनका लागि सम्पर्क गर्दा बीबीलाई भेटेका थिए । उनी सार्वजनिक रूपमा विरलै देखिन्छिन् ।करिब १२ करोड ७० लाख पाकिस्तानीले आगामी बिहीवार हुने चुनावको दिन मतदान गर्न पाउनेछन्, जसमा खान र पीटीआई बहसको केन्द्रमा रहेका छन् ।

मतदानमा धाँधलीको आरोप लागेको छ, खानलाई भ्रष्टाचारको अघिल्लो अभियोगबाट भाग्नबाट रोक लगाइएको छ र उनको पार्टीले व्यापक दमनको सामना गर्नुपरेको छ।सन् २०२२ मा सत्ताच्युत भएयता खानलाई पाकिस्तानका सैन्य योजनाकारविरुद्ध अवहेलनाको अभियान चलाएपछि उनलाई पुनः सत्तामा फर्कन नदिन अदालती मुद्दाले रोकेको छ ।

खानले आफ्नो कार्यकालको अधिकांश समय साझेदारीमा शासन गरेको शक्तिशाली सेनामाथि अमेरिका समर्थित षडयन्त्रमा आफूलाई सत्ताच्युत गरेको आरोप लगाएको थियो । गत वर्षको मे महिनामा खानलाई पहिलो पटक पक्राउ गर्दा देशभर दङ्गा भड्किएको थियो ।

उनको सडक आन्दोलन एक सैन्य दमनद्वारा निष्क्रिय पारिएको थियो जसमा हजारौं पीटीआई समर्थकहरूलाई हिरासतमा लिइएको थियो । जसमध्ये सयौँले बन्द–ढोकाभित्र सैन्य सुनुवाईको सामना गरिरहेका छन् र दर्जनौं वरिष्ठ नेताहरूलाई भूमिगत हुन बाध्य पारिएको छ ।

‘हरेक अन्यायको बदला फेब्रुअरी ८ मा आफ्नो भोटबाट लिनुपर्छ,’ खानले सामाजिक सञ्जाल एक्स (ट्वीटर)मा आफ्नो प्रोफाइलमा पोस्ट गरेको सन्देशमा भनेका छन्, ‘तिनीहरूलाई मतदानमार्फत् जवाफ दिनुहोस्हा, मी लौरोले लखेट्न सकिने भेडा होइनौं ।’ 

खान क्रिकेटबाट राजनीतिमा आएका हुन् । उनको नेतृत्वमा पाकिस्तानले सुन् १९९२ मा एकदिवसीय विश्वकपको उपाधि जितेको थियो । त्यो पाकिस्तानले जितेको एकमात्र एकदिवसीय विश्वकप हो ।