काठमाडौं । नेपाल राष्ट्र बैंकले ७ अर्ब रुपैयाँ बराबरको विकास ऋणपत्र जारी गर्ने भएको छ । २०८० पुस ५ गतेदेखि २०८५ पुस ६ गतेसम्म ५ वर्षे अवधिको विकास ऋणपत्र २०८५ ‘ट’ जारी गर्ने भएको हो ।
इच्छुक बैंक तथा वित्तीय संस्था, गैर–बैंक वित्तीय संस्था, बीमा कम्पनी, संगठित संस्था तथा नेपाली नागरिकले तोकिएको मापदण्ड पुरा गरेर पुस ५ गते बिहीबार दिउँसो २ बजेसम्म अनलाइन आवेदन दिन सक्नेछन् । विकास ऋणपत्रको बिहीबार दिउँसो २ बजे बोलकबोल हुने केन्द्रीय बैंकले जनाएको छ ।
इच्छुक खरिदकर्ता प्रतिस्पर्धा वा अप्रतिस्पर्धामार्फत ऋणपत्र खरिदमा सहभागि हुन सक्नेछन् । कूल निष्काशन ऋणपत्रमध्ये ८५ प्रतिशत अर्थात् ५ अर्ब ९५ करोड रुपैयाँ प्रतिस्पर्धात्मक प्रणालीमार्फत र १५ प्रतिशत अर्थात् १ अर्ब ५ करोड रुपैयाँ विनाप्रतिस्पर्धा बाँडफाँड गरिने बैंकले जनाएको छ ।
ऋणपत्रको ब्याजदर निर्धारण भने आवेदन (बोलवालाह) कबोलका आधारमा कटअफ एकल ब्याजदर कायम गरी निर्धारण गर्ने बैंकले जनाएको छ । खरिदकर्ताले घटीमा ५० हजार रुपैयाँ र बढीमा कुल निष्काशित रकमको सीमामा नबढाई ५० हजारले भाग गर्र्दा निःशेष भाग जाने अंकसम्मका लागि आवेदन दिन सक्नेछन् । ऋणपत्र पुस ६ गते शुक्रबार जारी हुनेछ ।
प्रतिक्रिया दिनुहोस
सफल खबर संवाददाता
बुधबार, ०४ पुस २०८०, १६ : ०७
लेखकबाट थप
सम्बन्धित समाचारहरु
मौद्रिक नीति समीक्षा : सवारी कर्जाको जोखिमभार घट्यो
राष्ट्र बैंकको प्रतिवेदन : आर्थिक सूचकहरु सुधारोन्मुख, मुद्रा सञ्चिति बृद्धि (पूर्णपाठसहित)
राष्ट्र बैंकले पेन्सन कोषको २४ करोड ब्याजमा लगानी गर्ने
राष्ट्र बैंकले ४ अर्ब ४० करोड रुपैयाँ मुद्दती निक्षेपमा लगानी गर्ने
एक महिनामै ६८ करोड ८९ लाखको सञ्चार उपकरण र पार्टपुर्जा भित्रियो
विदेशी मुद्राको सञ्चिति १८ खर्ब ७२ खर्ब ८२ करोड