नक्कली शैक्षिक प्रमाणपत्र पेस गर्ने अधिकृत बस्नेतविरुद्ध मुद्दा दायर

काठमाडौं । अख्तियार दुरुपयोग अनुसन्धान आयोगले राष्ट्रिय अनुसन्धान विभागका तत्कालीन अनुसन्धान अधिकृत माधव बस्नेतविरुद्ध शैक्षिक योग्यताको नक्कली प्रमाणपत्र बनाएर जागिर आएको आरोपमा विशेष अदालतमा भ्रष्टाचाको मुद्दा दायर गरेको छ ।

बस्नेतले अनुसन्धान अधिकृत पदको ओहदा, लाभ र सुविधा प्राप्त गरेको देखिँदा निजको उक्त कार्य भ्रष्टाचार निवारण ऐन २०५९ को दफा १६ को (१) बमोजिमको कसुर भएकोले बस्नेतलाई सोही ऐनको दफा १६ (१) बमोजिम कैद र जरिवाना हुन मागदावी लिई आज बिशेष अदालत काठमाडौंमा आरोपपत्र दायर गरिएको हो ।