यूएईविरुद्ध टस जितेर फिल्डिङमा नेपाल

काठमाडौ । त्रिदेशीय क्रिकेट शृंखलाअन्तर्गत यूएईविरुद्धको खेलमा नेपालले पहिले फिल्डिङ गर्ने भएको छ ।

नेपाली टीमका कप्तान रोहित पौडेलले टस जितेर पहिले फिल्डिङको निर्णय गरेका हुन् ।

यसअघिका ३ वटै खेल जितेको नेपाल फाइनलमा पुगिसकेको छ ।

यूएईले भने एक खेलमा जीत र एक खेलमा हार व्यहोरेको छ । हङकङले भने एक खेल पनि जित्न सकेको छैन ।

टी-ट्वान्टी विश्वकप छनोटको तयारी स्वरूप नेपालले घरेलु मैदानमा शृंखला खेलिरहेको हो ।

विश्वकप छनोट एक सातापछि काठमाडौंमै शुरू हुँदैछ ।