इजरायलमा रहेका नेपालीको सरकारले सुरक्षाको सुनिश्चितता गरोस् : शिशिर खनाल

काठमाडौँ । राष्ट्रिय स्वतन्त्र पार्टीका सांसद शिशिर खनालले इजरायलमा रहेका नेपालीको सुरक्षाका लागि सरकारको ध्यानाकर्षण गराएका छन् ।

आइतबार प्रतिनिधिसभा बैठकको शून्य समयमा बोल्दै सांसद खनालले इजरायलमा हिजो भएको हमलाबाट अत्यन्तै दुःखी भएको बताउँदै त्यहाँ अध्ययन र रोजगारीको सिलसिलामा बसोबास गरिरहेका हजारौं नेपाली दाजुभाई दिदीबहिनीको सुरक्षाको अवस्थाबारे अत्यन्तै चिन्तित रहेको बताए ।

उनले इजरायलमा रहेका नेपाली नागरिकसँग सक्रिय सम्पर्क गरी उनीहरुको सुरक्षाको सुनिश्चितता मानवीय हीतको प्रत्याभूति गर्न आग्रह गरेका छन् ।