हवाई दुर्घटनाको जिम्मा मन्त्रीले लिनुपर्छ : शिशिर खनाल

काठमाडौँ । रास्वपाका सांसद शिशिर खनालले नेपालमा बढ्दै गएको हवाई दुर्घटना कहालीलाग्दो भएको बताएका छन् । 

उनले विश्वका दुई सय मुलुकमध्ये नेपाल दुर्घटनामा ज्यान गुमाउने मुलुकमध्येको १२ औँ नम्बरमा पर्ने भन्दै पछिल्लो  साढे २ वर्षमा मात्र ८ वटा हवाई दुर्घटना भएको र १२३ जनाको मृत्यु भएको बताए ।

त्यहीँ तुलनामा भारतमा कम दुर्घटना हुने गरेको भन्दै सांसद खनालले नियामक निकायको कमजोरी जिम्मेवार रहेको बताए ।

‘नियामक निकायको नेतृत्वले जिम्मेवारी नलिने र प्राविधिक कुरालाई मात्र दोष दिनु उपयुक्त हुँदैन’, खनालले भने,‘ दुर्घटना बढ्नुमा क्यान वा मन्त्रालयमाथि पनि छानबिन हुनुपर्छ ।’