काठमाडौ । आपसी समझदारीमा समान ब्याजदर निर्धारण गर्दै आएका वाणिज्य बैङ्कहरूले साउनदेखि भने आफ्नै अवस्था अनुसार ब्याजदर निर्धारण गरेका छन् ।
साउन १ देखि लागु हुने गरी वाणिज्य बैङ्कहरूले निर्धारण गरेको बचतको नयाँ ब्याजदर अनुसार पाँच बैङ्कले ब्याज बढाएका छन् भने नौ वटाले घटाएका छन् । छ बैङ्कले भने स्थिर राखेका छन् । सार्वजनिक विवरण अनुसार मुद्दती निक्षेपमा औसत ब्याजदर घटेर ९.७२ कायम भएको छ ।
मुद्दती निक्षेपमा सबैभन्दा धेरै ब्याज एनएमबी बैङ्कले १०.९८ प्रतिशत निर्धारण गरेको छ भने संस्थागतमा ७.९९ प्रतिशत तोकेको छ । त्यसपछि प्राइम कमर्सियल बैङ्कले मुद्दती निक्षेपमा व्यक्तिगत तर्फ १०.९३ र संस्थागततर्पm ८.४९ प्रतिशत निर्धारण गरेको छ । एनआइसी एसियाले पनि १०.९३ प्रतिशत निर्धारण गरेको छ ।
कुमारीले व्यक्तिगततर्फ १०.०१ प्रतिशत र संस्थागतलाई ७.५१ प्रतिशत निर्धारण गरेको छ । १५ विभिन्न बैङ्कले मुद्दतीको ब्याजदरलाई एकल बिन्दुमै सीमित गराएका छन् । मुद्दतीमा सबैभन्दा कम निर्धारण गर्नेमा स्ट्यान्डर्ड चार्टर्ड बैङ्कको ८.९५ प्रतिशत रहेको छ ।
नेपाल इन्भेस्टमेन्ट मेगा बैङ्क, ग्लोबल आइएमई बैङ्क, लक्ष्मी सनराइज बैङ्क, नेपाल एसबिआई बैङ्क, हिमालयन बैङ्क र सिटिजन्स बैङ्कले मुद्दती निक्षेप ब्याजलाई ९.९९ प्रतिशत कायम गरेका छन् । गोरखापत्रमा खबर छ ।
प्रतिक्रिया दिनुहोस
पत्रपत्रिकाबाट
सोमबार, ०१ साउन २०८०, ०७ : ४५
लेखकबाट थप
सम्बन्धित समाचारहरु
एसबिआई बैंकका ग्राहकलाई न्युरो अस्पतालमा छुट
केन्द्रीय बैंकले २१ अर्ब ५० करोडको ट्रेजरी बिल नवीकरण गर्ने, आजै बोलकबोल
केन्द्रीय बैंक मुद्दति निक्षेपमा १४ करोड रुपैयाँ लगानी गर्दै
बैंकले विदेशी विनिमय कारोबारको इजाजतपत्र नवीकरण गर्नु नपर्ने
एनएमबि बैंकद्वरा २० मिलियन अमेरिकी डलर ऋण प्राप्त
आजदेखि दसैँका लागि नयाँ नोट सटही