वीरगञ्ज । भालुले आक्रमणबाट पर्साको ठोरी गाउँपालिकामा दुई जना घाइते भएका छन् ।
ठोरी गाउँपालिका-३ रामनगर बस्ने बिबिलाल लोप्चन र सुकमाया तामाङ घाइते भएको प्रहरीले जनाएको छ । उनीहरू श्रीमान श्रीमती हुन् ।
शुक्रबार दिउँसो जंगलबाट घाँस लिएर फर्कने क्रममा सुकमाया तामाङलाई भालुले आक्रमण गरेको थियो । सुकमायालाई बचाउन गएका बिबिलाल पनि घाइते भएको प्रहरीको भनाइ छ ।
जंगल क्षेत्रबाट निस्किएका तीन वटा भालुले आक्रमण गर्दा सुकमायाको अनुहारमा चोट लागेको छ भने बिबिलाल सामान्य घाइते छन् ।
घाइते दुवैजनालाई उपचारका लागि नारायणी अस्पताल लगिएको छ ।
प्रतिक्रिया दिनुहोस
रासस
शुक्रबार, २० माघ २०७९, १९ : ४५
लेखकबाट थप
सम्बन्धित समाचारहरु
अछाममा भालुको आक्रमणबाट दुई किशोरी घाइते