नेसपाले बनायो पार्टी एकताका लागि वार्ता समिति

काठमाडौं । नेपाल समाजवादी पार्टी (नेसपा) ले पार्टी एकताका लागि वार्ता समिति बनाएको छ । डा. बाबुराम भट्टराई नेतृत्वको सो पार्टीले नेकपा माओवादी केन्द्रसँग एकताको तयारी गरेको छ ।  

सोही अनुसार सोमबार सम्पन्न राजनीतिक समितिको बैठकले नेता गंगानारायण श्रेष्ठको संयोजकत्वमा वार्ता समिति गठन गरिएको हो । यसअघि माओवादी केन्द्रले पनि कृष्ण बहादुर महराको संयोजकत्वमा वार्ता समिति गठन गरेको थियो ।

माओवादीले जसपा, नेकपा एकीकृत समाजवादी पार्टीसँग पनि एकता गर्नका लागि छलफल चलाउने बताइएको छ ।