दमक । झापामा चार महिनाको अवधिमा ३७ एचआइभी एड्स सङ्क्रमित थपिएका छन्। यस वर्षको साउनदेखि कात्तिकसम्ममा सो सङ्ख्यामा एचआइभी एड्स सङ्क्रमित थपिएका हुन्।
स्वास्थ्य कार्यालय झापाका एचआइभी एड्स फोकल पर्सन वीरेन्द्र दासका अनुसार दमकस्थित दमक अस्पतालमार्फत् औषधी सेवन गर्ने गरी ११ तथा प्रादेशिक अस्पताल भद्रपुरमार्फत् औषधी सेवन गर्ने गरी २६ एचआइभी सङ्क्रमित थपिएका हुन्।
गत वर्ष ३० जनामा एचआइभी एड्स सङ्क्रमण भएको थियो। जिल्लामा हाल छ सय ३६ एचआइभी सङ्क्रमितले नियमित औषधी (एआरटी) सेवन गरिरहेका छन्। दमक अस्पतालअन्तर्गत दुई सय ११ र प्रादेशिक अस्पताल भद्रपुरअन्तर्गत चार सय २५ जनाले एआरटी औषधी सेवन गरिरहेको स्वास्थ्य कार्यालयले जनाएको छ।
‘एड्स अन्त्यका लागि समानताको सुनिश्चितता गरौँ’ नाराका साथ आज जिल्लामा विविधि कार्यक्रम गरी ‘विश्व एड्स दिवस’ मनाइँदैछ
प्रतिक्रिया दिनुहोस
सफल खबर संवाददाता
विहीबार, १५ मंसिर २०७९, १० : ०८
लेखकबाट थप
सम्बन्धित समाचारहरु
बझाङमा ९५ जना एचआइभी सङ्क्रमित औषधि सेवन गर्दै