मेरो क्षेत्रका जनतालाई गुनासो गर्ने ठाउँ राख्दिँन : सोविता गौतम

काठमाडौं । राष्ट्रिय स्वतन्त्र पार्टीकी काठमाडौं –२ बाट निर्वाचित सोविता गौतमले आफ्नो क्षेत्रका मतदाताहरू चेतनशील भएको बताएकी छन् ।निर्वाचित भएपछि सञ्चारकर्मीहरुसँग कुरा गर्दै उनले काठमाडौं–२ ले राष्ट्रपतिदेखि प्रधानमन्त्रीसम्म पाएको बताउँदै अब फेरी केही पाउने दावी गरिन् ।

‘यो यस्तो ऐतिहासिक क्षेत्र हो । यहाँबाट निर्वाचित भइसकेपछि कोही राष्ट्रपति पनि हुनुभएको छ । प्रधानमन्त्री पनि हुनुभएको छ । अब यस क्षेत्रले फेरी केही नयाँ पाउनेछ,’ उनले भनिन् ।

उनले सो क्षेत्रका मतदातालाई गुनासो गर्न नदिने पनि प्रण गरेकी छन् । उनले काठमाडौंका विकट क्षेत्रहरुलाई स्तरिकृत गर्नेसमेत बताइन् ।बजेट शहरलाई मात्र चाहिने नभएर जहाँ आवश्यकता छ त्यहाँ चाहिने हो तर्क गरिन् ।