तत्कालीन नेकपाका सचिवालयका बहमत सदस्यहरुबीच बैठक

काठमाडौं । तत्कालीन नेकपा हुँदाका सचिवालय सदस्यहरुबीच छलफल भएको छ ।

आइतबार नेकपा माओवादी केन्द्रका अध्यक्ष प्रचण्डसहित नेकपा एकीकृत समाजवादीका अध्यक्ष माधवकुमार नेपाल, सम्मानित नेता झलनाथ खनाल, नेकपा एकता राष्ट्रिय अभियानका संयोजक वामदेव गौतम र माओवादी नेता नारायणकाजी श्रेष्ठका बीच छलफल भएको हो ।

उनीहरु सबै तत्कालीन नेकपाको सचिवालयमा थिए । ओलीलगायतका एमालेमा रहेका तत्कालीन सचिवालयका नेताहरु भने बैठकमा सहभागी भएनन् । 

बैठकका क्रममा वर्तमान राष्ट्रिय राजनीति, राष्ट्रिय स्वाधीनताको स्थिति, स्थानीय निर्वाचन, वाम तथा समाजवादी आन्दोलन, नेपाली काङ्ग्रेससङ्गको गठबन्धन आदि विषयमा छलफल भएको प्रचण्डको सचिवालयले जनाएको छ । 

नेतृत्व तहको यो छलफललाई निरन्तरता दिने समझदारी पनि बनेको छ।