चितवन । चितवनको भरतपुर गार्डेन रिसोर्ट प्रा.लि.मा कृषि विकास बैंक लि., क्षेत्रीय कार्यालय वीरगञ्जले आयोजना गरेको “स्थानीय तहमा कृषि विकास बैंक लि.” विषयक एक दिने अन्तरकृया कार्यक्रम भव्य रुपमा सम्पन्न भएको छ । सो कार्यक्रममा भरतपुर महानगरपालिकाका मेयर, उपमेयर, सो अन्तरगतका २९ वटा वडाका अध्यक्षहरु, चितवनका रत्ननगर न. पा., खैरहनी न.पा., माडी न.पा., राप्ती न.पा. तथा कालिका न.पा.का मेयर, भरतपुर महानगरपालिकाका प्रमुख प्रशासकीय अधिकृत तथा अन्य पदाधिकारी, कृषि विकास बैंक चितवनका ८ वटा शाखा÷उपशाखा तथा तालीम केन्द्रका शाखा प्रबन्धकहरु तथा तालीम केन्द्र प्रमुख, चितवन उद्योग बाणिज्य संघका अध्यक्ष, खानेपानी व्यवस्थापन ब।ेर्ड भरतपुरका प्रमुख कार्यकारी अधिकृत तथा पत्रकारहरु गरी करिव ९० जनाको सहभागिता रहेको थियो । सो कार्यक्रम भरतपुर महानगरपालिका प्रमुख रेनु दाहालले पानसमा बत्ती बाली उद्घाटन गर्नु भएको थियो भने बैंकका प्रमुख कार्यकारी अधिकृत लिला प्रकाश सिटौलाले जन प्रतिनिधिहरुलाई खादा ओढाई सम्मान गर्नु भएको थियो ।
कार्यक्रमका सहभागीहरुलाई क्षेत्रीय कार्यालय वीरगञ्जका निर्देशक बाबुकाजी थापाले स्वागत गर्दै आगामी दिनमा भरतपुर महानगरपालिका, अन्य न.पा., स्थानीय तह तथा निकायहरुसँग कृषि विकास बैंक हातेमालो गरी आधुनिक बैंकिंग सेवा प्रदान गर्न चाहन्छ भन्नु भयो । कृषि विकास बैंकले विगतमा नेपाली जनताको आर्थिक तथा सामाजिक विकासमा गरेको योगदान, बैंकले हाल ल्याएको नयाँ नयाँ प्रोडक्ट तथा कार्यशैलीमा ल्याएको परिवर्तनका बारेमा बजार तथा शाखा व्यवस्थापन विभागका विभागीय प्रमुख प्रेम कुमार श्रेष्ठले पावर पोइन्ट प्रस्तुतीकरण गर्नु भएको थियो । कार्यक्रममा सहभागीहरु बीच करिव आधा घण्टा खुला छलफल भई बैंकका बिषयमा विभिन्न गुनासा, राम्रा पक्ष र सुधार गर्नु पर्ने पक्षमा बिचारहरु आदान प्रदान गरिए ।
रत्नगर न.पा.का मेयर नारायण वन, कालिका न.पा.का मेयर खुम नारायण श्रेष्ठ (गोपी), माडी न.पा.का मेयर ठाकुर प्रसाद ढकाल तथा राप्ती न.पा.का मेयर प्रभा बरालले कृषि विकास बैंकले नेपाली जनताको मन विश्वास जित्न सफल भएको, नयाँ पुस्तालाई अपेक्षित रुपमा आकर्षण गर्न अझ मेहनत गर्नु पर्ने र अन्य बैंकहरुको तुलनामा प्रतिष्पर्धी भई बजारमा आउनु पर्ने धारणा राख्नु भयो ।
कार्यक्रमलाई सम्बोधन गर्दै भरतपुर महानगरपालिकाका मेयर रेनु दाहालले नेपाल सरकारको सबै स्थानीय तहमा बैंकिङ्ग सेवा पु¥याउने नीति रहेको र सो सन्दर्भमा कृषि विकास बैंकसँग मिलेर भरतपुर महानगरपालिकाका कार्यक्रम जस्तैः सामाजिक सुरक्षाका कार्यक्रम, विकासका कार्यक्रम लगायत अन्य सम्पूर्ण कार्यक्रम गर्न समेत ईच्छुक रहेको कुरा बताउनु भयो । तर त्यसका लागि बैंक थप आधुनिक, प्रतिष्पर्धी र छिटो छरितो हुनु जरुरी रहेको धारणा समेत राख्नु भयो ।
अन्तरकृया कार्यक्रममा सहभागीका तर्पmबाट उठेका जिज्ञाशा समेतलाई समेटेर बैंकका प्रमुख कार्यकारी अधिकृत लिला प्रकाश सिटौलाले सम्पूर्ण निर्वाचित जनप्रतिनिधिहरु लाई निर्वाचित हुनु भएकोमा बधाई ज्ञापन गर्दै कृषि विकास बैंक नेपाली जनताका माझ सामाजिक अभिमुखिकरण सहितको बैंक, सार्वभौम बैंक र दिगो बैंक बन्ने दिशामा अगाडी बढिरहेको विचार राख्नु भयो । उहाँले बैंकले छिट्टै देशका ७ वटै प्रदेशमा कम्तीमा ४ वटाका दरले कुल २८ वटा ठूला कृषि परियोजना सञ्चालन गरी कृषि पेशालार्ई व्यवसायिक गर्न प्रयास गर्ने जानकारी गराउँदै यो बैंकलाई थप आधुनिक, प्रतिष्पर्धी बनाईनेछ भन्नुभयो । कार्यक्रमको अन्तमा उहाँले यो बैंक महानगरपालिकासँग मिलेर काम गर्न चाहन्छ र महानगरपालिकाको सम्पूर्ण कारोवार यसै बैंक मार्फत गर्न अनुरोध गर्दछु भन्दै कार्यक्रमको समापन गर्नु भएको थियो । उक्त कार्यक्रमलाई क्षेत्रीय कार्यालय वीरगञ्जका शाखा प्रमुख रामचन्द्र अधिकारी, बैंकिङ्ग कार्यालय नारायणगढका शाखा प्रबन्धक राजेन्द्र पौडेल, शाखा अधिकृत तेज प्रसाद घिमिरे तथा का.स. उमेश पौडेलले सहजीकरण गर्नु भएको थियो ।
प्रतिक्रिया दिनुहोस