काठमाडौं । यस वर्ष ओस्कार अवार्ड ‘कोडा’ ले जितेको छ। ९४औँ एकाडेमी अवार्ड (ओस्कार)ले सन् २०२2 को विजेता पाएको हो।‘कोडा’ अर्थात् चायल्ड अफ डेफ एडल्टस् कमेडी ड्रामा फिल्म हो। सियान हेदरको लेखन तथा निर्देशनमा बनेको चलचित्र श्रवणशक्ति नभएको एउटा परिवारको कथा हो।
यस्तै, ओस्कारमा यसवर्ष उत्कृष्ट अभिनेता विल स्मिथ बने। ओस्कारको पुरस्कार वितरण कार्यक्रममा स्मिथको ओस्कार उपाधिभन्दा झापड चर्चामा रह्यो। उनले आफ्नो श्रीमतीमाथि जोक गरेको भन्दै कमेडियन क्रिस रकलाई स्टेजमै झापड हाने।
स्मिथकी श्रीमती जादा पिन्केट स्मिथको कपालमाथि उनले मजाक गरेपछि ओस्कारको स्टेजमै झापड खाएका हुन् । पछि स्मिथले उत्कृष्ट अभिनेताको उपाधि पाउँदा भने यस घटनाबारे माफी मागेका थिए।यस्तै जेसिका च्यास्टेन उत्कृष्ट अभिनेत्री भइन्। उत्कृष्ट निर्देशकको उपाधि जेन क्याम्पियनले पाए। उत्कृष्ट छायाङ्कनमा ड्युनले बाजी मार्यो।
प्रतिक्रिया दिनुहोस
सफल खबर संवाददाता
सोमबार, १४ चैत्र २०७८, १२ : ०३
लेखकबाट थप