दोस्रो वर्षमा दोस्रो पटक गुड्यो रेल

काठमाडौँ । हस्तान्तरण  गरेको  दोस्रो वर्षमा प्रवेश गर्दा नेपालका ध्वजावाहक रेल दोस्रो पटक गुड्यो । नेपालको जयनगरबाट भारतको कुर्थासम्मको  ३४  किलोमिटर  दूरी  रेलले  तय  गरेका हुन् ।  

२०७७  असोज  २  गते  भित्रिएका  दुई  रेल  कात्तिक  ५  गते  भारतीय  रेल्वे  कम्पनी  कर्पोरेसन  (कोँकण)ले  नेपाल  रेल्वे  कम्पनीलाई  हस्तान्तरण  गरेको थियो । ८४ करोड ६५ लाख रुपियाँमा रेल किनिएका हुन् ।

तर, ती रेल डेढ वर्षदेखि धनुषाको इनरुवा रेल्वे स्टेसनमा त्रिपाल ओढाएर थन्काइएका थिए  ।  ती  रेल  ल्याइएपछि  शनिबार  दोस्रो  पटक  परीक्षण गरिएको हो । यसबीचमा  रेल  चलाउने  मिति  पटक–पटक  सर्दै  आएको  छ  ।  गोरखापत्रमा खबर छ ।