काठमाडौं। स्ट्यान्डर्ड चार्टर्ड बैंक नेपालले पहिलो पटक डेपुटी प्रमुख कार्यकारी अधिकृत नियुक्त गरेको छ। बैंकले गोरख राणालाई डेपुटी प्रमुख कार्यकारी अधिकृत बनाएको हो।
यद्यपी राणा प्रमुख कार्यकारीपछिको दोस्रो बरियतामा थिए। तर, डेपुटी प्रमुख कार्यकारी अधिकृत नै भनेर कसैलाई पनि जिम्मेवारी दिइएको थिएन। राणासँग नेपालको बैंकिङ उद्योगको गहिरो ज्ञान छ। २७ वर्षभन्दा लामो बैंकिङ अनुभव छ। उनी स्ट्यान्डर्ड चार्टर्डकै प्रडक्ट हुन्।
उनले धेरै उद्योग र नियामक फोरमहरूमा चार्टर्डको प्रतिनिधित्व गर्दै आएका छन्। उनले सन् १९९४ मा रिटेल र प्राइभेट बैंकिङ हेर्ने गरी स्ट्यान्डर्ड चार्टर्डमा आबद्ध भएका थिए।
सन् १९९६ मा कर्पोरेट र संस्थागत बैंकिङमा सरेका उनले रिलेसनसिप म्यानेजर, सिनियर क्रेडिट म्यानेजर, हेड अफ क्लाइन्ट कभरेज इत्यादिसम्मका विभिन्न पदमा काम गरेका छन्। उनी अहिले ग्लोबल बैंकिङको प्रमुख छन्।
प्रतिक्रिया दिनुहोस
सफल खबर संवाददाता
शुक्रबार, १६ पुस २०७८, १५ : ५४
लेखकबाट थप