काठमाडौं । भूमिगत संघर्षबाट शान्तिपूर्ण राजनीतिमा आएर डेढ दशक बिताइसकेको माओवादी केन्द्रले अब पार्टीभित्र आन्तरिक निर्वाचनलाई पनि आत्मसाथ गर्ने भएको छ । आगामी पुस ११-१३ मा राष्ट्रिय सम्मेलन गर्न लागेको माओवादीले सहमतिमै नेतृत्व चयनमा जोड दिएको भए पनि निर्वाचनको विकल्प पनि खुला राखेको छ ।
माओवादीले अहिलेसम्म आफ्नो जीवनकालमा निर्वाचनबाट नेतृत्व चयन गरेको छैन । टुटफुट र संसदीय राजनीतिको तितोमीठो अनुभव संगाल्दै यहाँसम्म आइपुगेको माओवादीले अब सहमति हुन नसकेको ठाउँमा निर्वाचनबाट नेतृत्व चयन गर्ने भएको हो ।
यसअघि पनि माओवादीमा सम्मेलनहरू हुने गरेका भए पनि नेतृत्व भने पार्टी नेतृत्वको तजबिजमै छनोट हुने गरेका थिए । नेकपामा करिब तीन वर्ष एमालेसँग संगत गरेको माओवादीले एमालेको सिको गर्दै आफ्नो सांगठानिक अवस्था मजबुत गर्न सेल, वडा, पालिका, प्रदेश र केन्द्रसम्म सम्मेलन गर्न लागेको हो।
सर्वसम्मत नभइ निर्वाचन हुने भएको खण्डमा माओवादीले उम्मेदवारी शुल्कसमेत निर्धारण गरेको छ । माओवादीको निर्वाचन आयोगका प्रमुख विष्णुपुकार श्रेष्ठका अनुसार वडा पदाधिकारीको उम्मेदवार बन्नेले १ सय रूपैयाँ शुल्क निर्वाचन समितिलाई तिनुपर्ने छ । वडा सदस्यको उम्मेदवारीका लागि ५० रूपैयाँ तोकिएको छ । पालिका पदाधिकारीमा उम्मेदवारी दिनेले ५ सय र सदस्यकोको लागि ३ सय निर्धारण गरिएको छ । त्यस्तै प्रदेश पदाधिकारीले १ हजार र सदस्यले ५ सय रूपैयाँ तिनुपर्ने छ ।
प्रतिक्रिया दिनुहोस
सफल खबर संवाददाता
मंगलबार, ३० कार्तिक २०७८, १७ : ३९
लेखकबाट थप
सम्बन्धित समाचारहरु
माओवादी केन्द्रद्वारा केन्द्रीय राहतकोष स्थापना
बेपत्ताको खोजी, विस्थापितहरुको पुन: स्थापना गर्न सरकारलाई प्रचण्डको ध्यानाकर्षण
जनसेवामा जुट्न नेता कार्यकर्तालाई प्रचण्डको निर्देशन
माओवादीले सुदूरपश्चिममा ‘तीनमहिने सङ्गठन विस्तार’ कार्यक्रम गर्ने
एकीकृत समाजवादीका नेता कन्दङ्वासहितका कार्यकर्ता माओवादी केन्द्रमा प्रवेश
माओवादी केन्द्रद्वारा उपचार सहायता दिनुपर्ने माग: कोशी प्रदेश