भरतपुर अँध्यारो, सबस्टेसनमा समस्या

चितवन । चितवनको भरतपुर बजार यतिबेला अँध्यारो छ । महानगरपालिकास्थिति १३२÷११ बसेनी ग्रिड सबस्टेसनको पावर ट्रान्सफर्मरहरुमा समस्या आएपछि भरतपुरको विद्य्तु आपूर्ति कटौती भएको हो ।  भरतपुरमा मंगलबार दिउँसोबाट विद्युत आपूर्ति बन्द भएको छ ।

प्राधिकरणको भरतपुर वितरण तथा ग्राहक सेवा केन्द्र अन्तर्गत भरतपुर महानगरपालिकाको १ देखि १३ तथा २९ नम्बर वडा र तनहुँको देवघाट क्षेत्रमा विद्युत आपूर्ति बन्द भएको हो । प्राधिकरणका वितरण तथा ग्राहक सेवा निर्देशनालयका उपकार्यकारी निर्देशक मनोज सिलवालले ट्रान्सफर्मर वदली भइरहेको र छिट्टो भन्दा छिट्टो विद्युत आपूर्ति सुचारु गर्ने प्रयास भइरहेको बताए । उनले रातभरी मर्मतको काम गरिने उल्लेख गरे ।  भोलि दिउँसोसम्म यस क्षेत्रमा विद्युत् सेवा अवरूद्द हुने भरतपुर वितरण केन्द्रले जनाएको छ ।