एजेन्सी । काराबाओ कप फुटबलमा गएराति आर्सनल, साउथह्याप्टन र बर्न्ले विजयी भएका छन् ।लण्डन क्लब आर्सनलले वेष्ट ब्रोमलाई उसैको मैदानमा ६–० ले हरायो ।
आर्सनलको जितमा पिएरे एमरिक औबामायङ्गले ह्याट्रिक गर्दा मार्टिन ओडेगार्ड, माइटल्याण्ड नाइल्स र निकोलस पेपेले एक एक गोल गरे । लिग कप पनि भनिने प्रतियोगिताको अर्को खेलमा साउण्थह्याम्पटनले न्युपोर्ट काउन्टीलाई ८–० ले पाखा लगायो ।
फुटबलको चौथो श्रेणीको न्युपोर्टमाथि हात पारेको यो जित साउथह्याम्पटनको लागि अहिलेसम्मकै ठूलो जित हो । लिग कपकै अर्को खेलमा न्युकासल युनाईटेडलाई पेनाल्टी शुट आउटमा ४–३ ले हराउँदै बर्न्ले पनि चौथो चरणमा उक्लिएको छ ।
प्रतिक्रिया दिनुहोस
सफल खबर संवाददाता
विहीबार, १० भदौ २०७८, ११ : ४०
लेखकबाट थप