नेपाल र ठाकुरको पार्टीलाई निर्वाचन आयोगले बोलायो हस्ताक्षर सनाखत गर्न

काठमाडौ । नेकपा एकीकृत समाजवादी र लोकतान्त्रिक समाजवादीका पार्टी लोसपाका नेताहरुलाई निर्वाचन आयोगले प्रस्तावित आयोगमा झिकाउने भएको छ । दर्ता प्रक्रियामा रहेका दुवै दलका नेताहरुको हस्ताक्षर सनाखत गर्न आयोगले आगामी भदौ ९ गते बहादुर भवनस्थित आयोग कार्यालयमा बोलाएको हो ।

आयोगमा नेकपा एमालेबाट बिद्रोह गरि माधवकुमार नेपालको नेतृत्वमा एकीकृत समाजवादी र जसपाबाट हटाइएका महन्थ ठाकुरको नेतृत्वमा लोकतान्त्रिक समाजवादी पार्टी दर्ताका लागि निवेदन परेको छ ।

दुवै दलको केन्द्रीय समितिमा रहेका नेताहरुलाई नागरिकतासहित सनाखतका लागि उपस्थित हुन निर्देशन दिएको हो । सनाखत सम्पन्न भएपछि आयोगले प्रक्रिया पुर्‍याएर नयाँ दल दर्ताको प्रमाणपत्र दिनेछ ।