बालुवाटार छाड्नु अघि प्रधानमन्त्री ओलीले देशबासीको नाममा सम्बोधन गर्ने

काठमाडौ । सर्वोच्चको आदेशसँगै बालुवाटारबाट बाहिरिने तरखरमा रहेका प्रधानमन्त्री केपी शर्मा ओलीले देशवासीका नाममा सम्बोधन गर्ने तयारी गरेका छन् ।

उनले बालुवाटार छाड्नु अघि देशबासीको नाममा सम्बोधन गर्ने तयारी भएको एक नेताले बताए । उनका अनुसार सम्बोधनको समय भने तय नभईसकेको छैन् । 

सर्वोच्च अदालतले शेरबहादुर देउवालाई प्रधानमन्त्री नियुक्त गर्न राष्ट्रपतिलाई आज ५ बजेसम्मको समय दिएको छ। त्यसअघि नै प्रधानमन्त्री ओलीले सम्बोधन गर्ने तयारी गरेका हुन्। 

नेकपा एमालेको स्थायी समिति बैठक आज दिउँसो १ बजे बालुवाटारमा डाकिएको छ। तर बैठक बस्ने नबस्ने अहिलेसम्म एकिन भएको छैन।