काठमाडौं । अविरल वर्षाका कारण गोर्खा र तनहुँ जोड्ने मर्स्याङ्दीमा रहेको झोलुंगे पुल भत्किएको छ । पुल भत्किएसंगै दुवैतर्फको आवतजावत पुर्ण रुपमा ठप्प बनेको छ ।
गोरखा नगरपालिका वडा नम्बर १२ र तनहुँको आँबुखैरेनी गाउँपालिका वडा नम्बर २ एक्लेफाँट जोड्ने झोलुंगे पुलको एक तर्फको भागमा क्षति पुगेको छ । तनहुँतर्फको भाग भत्किएर झोलुङ्गे पुलको केही भाग नदीमा डुबेको छ ।
गोरखा नगरपालिका वडा नम्बर १२ का अध्यक्ष रामबहादुर खड्काले पुलको एकातर्फको जिप बगाएको बताए। पुलमा क्षति पुगेपछि मानिसहरू मर्स्याङ्दी नदी पार गरेर पृथ्वीराजमार्गसम्म पुग्न सकेका छैनन्।
प्रतिक्रिया दिनुहोस
सफल खबर संवाददाता
शुक्रबार, १८ असार २०७८, १० : ५६
लेखकबाट थप