काठमाडौं । प्रधानमन्त्री केपी ओलीले भष्मासुर चाल चालेपछि अबको थप कदमका लागि छलफल गर्न विघटित प्रतिनीधि सभाका आफु निकट सांसदहरुलाई बालुवाटार बोलाएका छन् । उक्त छलफलमा राष्ट्रिय सभाका सांसदलाई पनि आमन्त्रण गरिएको छ ।
प्रधानमन्त्रीका स्वकिय सचिव इन्द्र भण्डारीले उनीहरुलाई एसएमएस गरी अहिले बिहान ९ वजे बालुवाटार आउनका लागि निम्तो गरेका हुन् । प्रतिनिधीसभाका बहुमत सांसदले संसद विघटन गैर सम्वैधानिक, अलोकतान्त्रिक, निरंकुश, पश्चगामी र राजनीतिक स्थिरता, जनादेश एवं जनभावना विपरितको स्वेच्छाचारी कदम भएको भन्दै त्यसलाई बदरयोग्य गर्न र संसद पूर्नस्थापनाको माग गर्दै आजै अदालत जाने तयारी गरिरहेका बेला ओलीले आफु निकटका निर्वतमान सांसद र राष्ट्रिय सभाका सांसदहरुलाई बालुवाटार बोलाएका हुन् ।
उनले सांसदहरुसँगको छलफल पछि पार्टी एकता भंगको तयारी गर्ने योजना बनाएको बालुवाटार निकट स्रोतले बताएको छ । पार्टी र सरकारभित्र एकाधिकार र सर्वसत्तावादी ढंगले अगाडी बढेको र त्यसलाई नियन्त्रण गरेर पार्टीमुखी र जनतामुखी बनाउन अध्यक्ष प्रच्ण्ड, वरिष्ठ नेता माधव नेपाल लगायतका नेताहरुले गरिरहेको प्रयास ओलीलाई पाच्य हुन सकेन् । जसकाकारण उनले आफ्नो कुर्सीका लागि सिंगो ब्यवस्थालाई नै दाउमा लगाउने गरी भष्मासुर बाटो रोजे ।
राष्ट्रपतिको पदको समेत दुरुपयोग गर्दै ओली र राष्ट्रपति विद्यादेवी भण्डारीको मिलिभगतमा सिंगो ब्यवस्थामाथी नै जोखिम आउन सक्ने गरी अलोकतान्त्रिक र असम्वैधानिक बाटो पक्डिने काम भयो । यसको बचाउ गर्ने र ताजा जनादेशका लागि निर्वाचनमा जानुपर्ने ठहर गर्दै ओलीले आफु निकट सांसदहरुका अगाडी मुख देखाउन खोजेका छन् ।
तर उनको कदमले जनताको बीचमा अनुहारमा कालोपोतो लागेको छ । ओलीले आफुतिर कति नेता खुल्ने रहेछन भनेर धुव्रिकरण गर्नका लागि पनि बालुवाटारमा सांसदहरु बोलाएका हुन् । प्रचण्ड नेपाल पक्षले पनि आजै दिउँसो वानेश्वरमा सांसदहरुको भेला बोलाएपछि त्यस अगाडी नै ओलीले आफु निकटका सांसदहरुलाई बोलाएका हुन् ।
प्रतिक्रिया दिनुहोस
सफल खबर संवाददाता
सोमबार, ०६ पुस २०७७, ०८ : २२
लेखकबाट थप
सम्बन्धित समाचारहरु
नीति र राजनीति दुवैमा स्थायित्व चाहिएको छ: प्रधानमन्त्री ओली
प्रधानमन्त्री ओलीद्वारा राष्ट्रसङ्घको महासभामा भाग लिने विषयमा सदनलाई जानकारी
प्रधानमन्त्री ओलीले देउवालाई जन्मदिनको अवसरमा दोसल्ला ओढाएर दिए शुभकामना
नदी किनारबाट थप २० मिटर मापदण्डको फैसलामाथि सरकार छिट्टै भ्याकेटमा जान्छ : प्रधानमन्त्री ओली
इपिजीको प्रतिवेदन भारतले बुझ्नुपर्ने प्रधानमन्त्री ओलीको भनाई
मानव बेचबिखन तथा ओसारपसार जघन्य अपराध हो : प्रधानमन्त्री ओली