माधव नेपाल नफक्किएपछि प्रचण्डलाई नै फकाउने ओलीको रणनीति

काठमाडौं । प्रधानमन्त्री केपी ओली फेरि टुटाउने र फुटाउने खेलमा लागेका छन् । आफ्नै पार्टीका नेताहरुलाई फुटाउने र कमजोर तुल्याई आफु बलियो बन्ने दाउमा उनी फेरी लागेका छन् । यही क्रममा उनले अध्यक्ष प्रचण्डसँग सम्बन्ध बिग्रेपछि वरिष्ठ नेता माधव नेपाललाई फकाउने र पूर्व एमाले समुहलाई एकगठ बनाउने अनेक फन्डा फाले । पूर्व एमाले एक हुनुपर्ने भन्दै उनले नेपाल, उपाध्यक्ष बामदेव गौतम ललायतका नेतालाई फकाउन अनेक प्रयास गरे ।

तर उनको यो प्रयास सफल हुन सकेन् । उनले पूर्व एमालेका नेताहरुलाई एक बनाउन सकेको भए अहिले पार्टी विधानको धारा ६० मा रहेको बहुमत÷अल्पमत प्रयोग गरेरै भएपनि प्रचण्डलाई साइजमा ल्याउने प्रयास गरेका थिए । उनले माधव नेपाल मिलाउन सकेको भए प्रचण्डलाई कि साइजमा ल्याउने र निरिह बनाउने कि त पार्टी नै छोडेर हिड्न बाध्य तुल्याउने काममा लागिसकेका थिए । माधव नेपाललाई ओलीले गत साउन देखि नै निक्कै मेहनतका साथ फकाउने प्रयास गरेका थिए ।

प्रचण्ड र माधव नेपाल बीचमा फाटो उत्पन्न गरेर आफ्नो राजनीति टिकाउने दाउमा लागेका ओलीको प्रयास सफल हुन सकिरहेको छैन् । त्यही भएर उनी अहिले पार्टी बैठकमै नजाने, बहुमतको निर्णय नमान्ने भन्दै धम्की दिने गर्दै आईरहेका छन् । बाहिर देखिदा ठाट देखाएपनि प्रधानमन्त्री ओली आफ्नो फुटाउ र राजगरको नीतिमा असफल भएपछि भित्र भित्र भने निक्कै कमजोर देखिएका छन् । त्यही कमजोरीपन उनको देखिन थालेको छ । नेता नेता बीच भड्काउने रणनीति अवलम्वन गरेर ।

९ साउनमा महाधिवेशन आयोजक समिति संयोजक वा पार्टी अध्यक्ष बनाउने गरी आफुले पहल लिने भन्दै फकाउने प्रयास गरेका थिए । त्यसपछि पूनः ४ कात्तिकमा खुमलटार धाएर केही नपाउने भन्दै बरु आफुसँगै सहकार्यका लागि हात बढाउन आग्रह गरेका थिए ।  ओलीले त्यक्तिमात्रै गरेनन, ११ कात्तिकमा पून नेपाललाई बोलाएर अब नेकपाको तपाईले नेतृत्व लिने हो, तयार रहनुहोस, सरकार सञ्चालनमा मलाई सहयोग गर्नुस भन्ने प्रस्ताव राखे । २३ कात्तिकमा उनले महाधिवशेनपछि अध्यक्ष र अर्काे चुनावपछि प्रधानमन्त्रीमा समेत आफुले सहयोग गर्ने गरी फेरि नयाँ कार्ड फ्याके ।

आफु निकटका नेताहरु कहिले को कहिले को प्रयोग गर्दै नेपाललाई फकाउने अधिकतम प्रयास ओलीले गरे । सुस्ताएर बसेका प्रदीप नेपाललाई सम्म फकाउन पठाएर लौ न माधव नेपाल फकाईदिनु पर्यो भनेर ओलीका दूतहरु धाए । तर पनि नेपालले ओलीको कार्यशैली सुधार हुनुपर्ने, मै हु राज्य, मै हु सर्वेसर्वा भन्ने शैलीको विरोध गरिरहे । उनले ओलीसँग हात मिलाएनन् । अनि ओली अहिले आफैले पार्टी एकता भन्दा अगाडी देखिको विषय उठान गरेर आरोप-प्रत्यारोपमा उत्रेका प्रचण्डसँगै फेरि हात मिलाउने कसरतमा लागेका छन् ।

उनले यो दीर्घकालको सम्बन्ध बनाउन, भएका समझदारी कार्यान्वयन गर्न भन्दा पनि कसरी हुन्छ आफुमाथीको संकट टार्ने र माधव नेपाल र प्रचण्डबीच समिकरण हुन नदिने, कसरी माधव र प्रचण्डलाई फुटाउने र दुई नेतालाई फुटाउदा आफु सत्तामा राज गर्ने भन्ने शैलीमा उनको रणनीति देखिएको छ । बुधबार उनले बालुवाटारमा प्रचण्डसँग गरेको छलफलमा पनि त्यही खालको रणनीति अख्तियार गरेका छन् । उनले माधव नेपाल लाई तपाई (प्रचण्ड) ले चिनेकै छैन्, माधव नेपाल धोकेबाज नेता हुन् भन्दै माधव नेपालसँग नभई आफैसँग सहकार्य गर्न प्रचण्डसँग प्रस्ताव गरेका थिए ।

तर प्रचण्डले आफुलाई ओली भन्दा माधव नेपाललाई विश्वासिलो लागेको मुखभरीको जवाफ ओलीलाई दिएर फर्केका छन् । ’म माधव नेपाललाई अहिले मात्र होइन् पञ्चायत काल देखि नै चिन्छु विधार्थी, मजदुर, किसानका आन्दोलनसँगै बसेर योजना बनाएका छौं, अझ जनयुद्ध कालमा उहाँसँग तत्कालिन एमालेको नेतृत्वमा रहेर काम गर्दा नजिकबाट चिन्ने र संगत गरेको नेताका रुपमा राम्रैसँग चिनेको छु,’ प्रचण्डले ओलीलाई जवाफ दिएका थिए,‘ तपाई जतिको रिजिक्ट माधव नेपाल हुनुहुन्न । को सँग संगठन गर्ने, नगर्ने तपाईले सिकाईरहनु पर्दैन ।’ 

प्रचण्ड र माधव नेपाल बीचमा फाटो उत्पन्न गरेर आफ्नो राजनीति टिकाउने दाउमा लागेका ओलीको प्रयास सफल हुन सकिरहेको छैन् । त्यही भएर उनी अहिले पार्टी बैठकमै नजाने, बहुमतको निर्णय नमान्ने भन्दै धम्की दिने गर्दै आईरहेका छन् । बाहिर देखिदा ठाट देखाएपनि प्रधानमन्त्री ओली आफ्नो फुटाउ र राजगरको नीतिमा असफल भएपछि भित्र भित्र भने निक्कै कमजोर देखिएका छन् । त्यही कमजोरीपन उनको देखिन थालेको छ । नेता नेता बीच भड्काउने रणनीति अवलम्वन गरेर ।

‘एक अर्का नेताको अनुपस्थितीमा अर्काे नेताका बारेमा टिकाटिप्पणी गरेर भड्काउने उनको यो शैली प्रचण्ड र माधव नेपाल दुवै परिचित हुनुहुन्छ, यसबाट उहाँले एक अर्काे नेतालाई भड्काउने प्रयास सफल हुन सक्दैन्,’ नेपाल निकटका एक स्थायी समिति सदस्यले भने ।