रामवीर मानन्धरको कारबाही फुकुवा

काठमाडौँ । नेकपा एमालेले रामवीर मानन्धरको कारबाही फुकुवा गरेको छ । कारबाही फुकुवा भएसँगै मानन्धर एमालेको जिम्मेवारीमा फर्केका छन् ।

‘उहाँको निलम्बन फुकुवा भयो । निलम्बन फुकुवासँगै पार्टी काममा फर्कनु भएको छ’, नेकपा एमाले काठमाडौँका इन्चार्ज आनन्द पोखरेलले भने, ‘उहाँ पार्टी जिम्मेवारी लिएर काममा लागिसक्नुभएको छ ।’

गत संसदीय निर्वाचनमा एमालेले टिकट नदिएपछि मानन्धरले घण्टाघर चुनाव चिन्ह लिएर निर्वाचन लडेका थिए । त्यसपछि एमालेले उनलाई कारबाही गरेको थियो । मानन्धर २०७४ को निर्वाचनमा काठमाडौँ क्षेत्र नम्बर ७ बाट प्रतिनिधिसभा सदस्य निर्वाचित भएका थिए ।