फ्रेन्च कप फुटबलको उपाधि पिएसजीको पोल्टामा

एजेन्सी । फ्रेन्च कप फुटबलको उपाधि पेरिस सेन्ट–जर्मेन (पिएसजी) ले  जितेको छ । शुक्रबार राति भएको फाइनल प्रतिष्पर्धामा मा १० खेलाडीमा सीमित भएको सेन्ट–इटिएनलाई १–० ले पराजित गरेर पिएसजीले उपाधि जितेको हो ।

घरेलु मैदानमा भएको खेलमा नेइमारले १४ औँ मिनेटमा गरेको गोल नै पिएसजीलाई उपाधि दिलाउन पर्याप्त भयो । ३१ औँ मिनेटमा लोइक पेरिनले सीधै रातो कार्ड पाएर मैदानबाट बाहिरिएपछि सेन्ट–इटिएन १० खेलाडीमा सीमित भयो ।

पिएसजीले १३ औँ पटक कपको उपाधि जितेको हो । यो खेलका लागि रंगशालामा केही दर्शकलाई उपस्थित हुन स्वीकृति दिइएको थियो । गएको अप्रिलमा कोरोना भाइरसको महामारीका कारण लिग टुंगिएपछि फ्रान्समा भएको यो पहिलो खेल हो । यो खेलमा केलियन एमबाप्पे चोटग्रस्त भएर मैदानबाट बाहिरिन बाध्य भए। चोटगं्रस्तबाट रुँदै मैदानबाट बाहिरिएका एमबाप्पेलाई उपाधिको खुशीले दिएको बताएका छन् ।