काठमाडौं । ‘भिडियो सार्वजनिक भएको छ । गायक विजय राईको ‘लाजै नमानी’ गीत माथी बनेको भिडियोमा भीमफेदी गाइज’सँगै सन्ध्या भट्टराईको समेत अभिनय रहेको छ । सन्ध्या भिडियोमा निकै हट देखिएकी छन् ।
गीतकार ललिता कुवँरको शब्द रहेको यस गीतलाई राहुल प्रधानले संगीत गरेका हुन् । डान्सिङ नम्बरको यस गीतको भिडियोमा पछिल्लो समय चर्चामा रहेको डान्स गु्रप यो भिडियो संगीतकार प्रधानले निर्देशन गरेका हुन् ।
उनले भिडियोलाई कथानक रुप दिएका छन् । गीतको भावलाई टपक्क टिप्दै निर्देशक प्रधानले भिडियोमा नृत्यसँगै ग्ल्यामरस पस्कने प्रयास गरेका छन् । नृत्य कोरियोग्राफी भने भीमफेदी गाइजकै निर्मल तामाङले गरेका हुन् ।
यसअघि लोकपप तथा आधुनिक गीत गाउँदै आएका विजयले यसपटकले भने पूर्ण रुपमा डान्सिङ नम्बर गाएका छन् । गीतकार कुवँले पनि पहिलोपटक डान्सिङ शैलीलाई अपनाएर गीत तयार पारेको सु्नाइन् । गादाबारीमा छायांकन गरिएको यस भिडियोका लागि निकै मिहिनेत गरिएको छ ।
प्रतिक्रिया दिनुहोस