काठमाडौं । कास्कीको अन्नपूर्ण गाउँपालिका वडा नं ११ हिङकुकेभ इलाकामा गत वर्षको माघ ३ गते गएको हिमपहिरोमा परी बेपत्ता भएका सातै जनाको शव फेला परेको छ ।
बेपत्ता भएका उनीहरुको खोजीमा नेपाली सेनाको पश्चिम पृतना हेड्क्वार्टरको समन्वयमा विशेष फौज बाहिनी अन्तरगत पोखरामा रहेको सेकेण्ड रेञ्जर बटालियनबाट खट्टिएको खोज तथा उद्धार टोली खटिएको थियो ।
हिमपहिरोमा ३ जना नेपाली गाईड तथा ४ जना कोरियन पर्यटकहरु बेपत्ता भएका थिए । तीमध्ये २ जना नेपाली गाइड र ३ जना कोरियन पर्यटकहरुको शव पहिल्यै फेला परिसकेका थिए ।
टोलीले शुक्रबार फेला पर्न बाँकी एक जना नेपाली र एक जना कोरियन नागरिकको शव पनि फेला पारेको छ । शवलाई शनिबार पोखरा स्वास्थ्य विज्ञान प्रतिष्ठानमा ल्याई पु(याएको छ ।
प्रतिक्रिया दिनुहोस
सम्बन्धित समाचारहरु
मुस्ताङको छिप्लुङमा हिमपहिरो, बोक्सी खोला थुनियो
हिमपहिरोले असन्तुलित बनेको वीरेन्द्र ताल सामान्य अवस्थामा फर्कँदै
मनाङको हिमपहिरो पन्छाउन थालियो