जाडोमा स्वस्थ रहने उपायहरु

जाडो मौसममा व्यायामका लागि थोरै ध्यान दिनाले तपाईं स्वास्थ्य सम्बन्धी साधारण समस्याबाट सहजै बच्न सक्नुहुनेछ । यदि तपाईंलाई मुुटु सम्बन्धी समस्या छ भने जाडोमा तपाईंलाई अतिरिक्त सुरक्षाको आवश्यकता पर्दछ । यस्तो बेला यदि तपाईं राम्रो स्वास्थ्य चाहनुहुन्छ भने तपाईंका लागि यो मौसम सबैभन्दा उत्कृष्ट हुनेछ । जाडोमा स्वस्थ रहनका लागि यी उपायहरु उपनाउनु राम्रो हुन्छ ।

अत्यधिक पानी पिउनु पर्छ

लामो यात्रामा निस्कनुभन्दा अघि प्रशस्त पानी पिउनुपर्छ । यसले मौसम जति नै चिसो भयो भने पनि शरीर भित्रको वायु श्वासनलीसम्म पुग्दा तातो नै रहने गर्छ । तातो स्वासमा अत्यधिक ओस बनाउने क्षमता हुन्छ । शारीरिक गतिविधिहरुका साथमा स्वास फुलेको बेला शरीरबाट अत्यधिक मात्रामा तातो वाफ निस्कन्छ । जसले श्वास नलीलाई सुख्खा बनाउँछ । ड्राइ एयर प्यासेजबाट स्वास लिँदा र व्यायाम गर्दा समस्या पैदा हुनसक्छ । ड्राइ एयर प्यासेजको समस्याबाट बच्नका लागि पनि यात्रामा निस्कनुअघि पानी पिउनु निकै राम्रो उपाय मानिन्छ ।

तातो पेय पदार्थबाट बचौं

जाडोमा तातो पेय पदार्थ अथवा अल्कोहल लिएपछि बाहिर जानुहुँदैन । त्यसले हाम्रँे रक्त बाहिनीहरुलाई शिथिल बनाइदिन्छ । जसका कारण छालाबाट तातो वाफ निस्कन थाल्छ ।

शरीरलाई आराम दिनुपर्छ

सामान्य स्थितिमाभन्दा व्यायाम गरेपछि शरीरबाट दश गुणा बढी तातो वाफ निस्कन्छ । मेहनत गर्दा वातावरणमा तातोपना फैलिन्छ । जसका कारण रक्त बाहिनीहरुको आकार फैलिन्छ र मुटुमा दबाब पर्छ । त्यसैले जाडो मौसममा अत्यधिक व्यायाम गर्नबाट बच्नुपर्छ ।

चिसो पानीबाट बच्नुपर्छ

जाडो मौसममा चिसो पानी भएको स्विमिङमा पौडी खेल्नबाट बच्नुपर्छ । चिसो पानीमा पौडिँदा एक प्रकारको व्यायाम हुने भएकाले शरीर त तात्छ । तर, त्यो स्वास्थका लागि फाइदाजनक भने हुँदैन ।

चिसो हावाबाट बचौं

जाडो मौसममा चिसो हावामा टहल्नाले एन्जिना हुने खतरा बढ्छ । यदि तपाईं तीब्र गतिको हावामा टहलिरहनु भएको छ भने बिस्तारै हिँड्नुपर्छ, बिस्तारै हिँड्दा पनि तपाईंको शरीरले त्यत्ति नै फाइदा पाउँछ । हिँडिसकेपछि केही बेर रोकिएर मात्र घर भित्र छिर्नुपर्छ । जसका कारण तपाईंको शरीरबाट पसिना आओस् ।

चिया–कफी कम खानु

जाडोमा तात्तातो चिया–कफीले फाइदा गर्छ भन्ने सोच्दै हुनुहुन्छ भने यो गलत हो। अत्याधिक चिया–कफी खानाले शरीरमा क्याफिन र सुगरको मात्रा बढ्न पुग्छ, जसले शरीर पूरै ‘डिहाइड्रेटेड’ हुन्छ । चिया–कफीको सट्टा तातो दूध, ग्रिन टी अथवा तातो पानीव खानु आवश्यक छ।

न्यानो कपडामा बाहिर निस्कने

फेसनेबल देखिन जाडोमा समेत बाहिर जाँदा न्यानो लुगा नलगाउने, गला नछोपिने कपडा लगाउने स्वभाव कसै–कसैको हुन्छ । एकैछिनका लागि त बाहिर जाने हो भनेर पातलो कपडा लगाएर केही बेरका लागि बाहिर निस्कने बानी पनि हुन्छ । यस्तो गर्नु हुँदैन । यस्तो गर्नाले रुघाखोकी, ज्वरो, निमोनिया आदि हुने अथवा नसामा रगत जम्ने समस्या उत्पन्न हुन सक्छ ।

कम सुत्नु

जाडोमा बिहानीपख न्यानो बनाइराखेको सिरक फालेर उठ्न अल्छी लाग्छ । जाडो मौसममा रात लामो हुने भएकाले हामी बेलुका छिटो सुत्छौँ र बिहान ढिलो उठ्न खोज्छौँ । दिउँसो फुर्सद मिल्यो भने सिरकभित्र घुस्रिन पुग्छौं । तर, यसरी बेला न कुबेला सुत्दा निद्राको रुटिन भंग हुन्छ र यसले अनेक खालका स्वास्थ्य समस्या निम्त्याउने जोखिम बढ्छ ।