काँग्रेस विवाद मिलाउन सिटौला सक्रिय

काठमाडौं । प्रमुख प्रतिपक्ष दल काँग्रेसमा गुट झाँगिदा पार्टी बैठक बस्न सकेको छैन् । पार्टी बैठक बस्नै सकस हुने गरी केही दिन यता नेताहरु गुटबन्दीमा लागेका छन् । आफ्ना अडानमा टसमस नहुंदा सहज निकास निस्कन सकेको छैन् । रामचन्द्र पौडेल पक्षलाई पेलेरै अगाडी जाने सभापति शेरवहादुर देउवाको योजना न अगाडी बढ्न सकेको छ, न पौडेलले देउवालाई गलाउनै सकेका छन् । बैठक बहिष्कारका श्रृंखलाका बीच भोलिसम्मका लागि बैठक नै स्थगित हुन पुगेको छ ।

पार्टी कार्यालय सानेपामा भन्दा पौडेल, देउवा, प्रकाशमान सिंह र शशांक कोइरालाका निवासमा बढी गुटगत भेला हुन थालेको छ । कार्यालयमा नेविसंघका विद्यार्थीहरुको प्रदर्शन मात्र छ । नेताहरुको गुटबन्दी निवासतिरै बढी देखिन थालेको छ । काँग्रेस देखिएको अवस्था यही हो । सभापति शेरवहादुर देउवा पार्टीका तल्लो तहसम्मको समायोजनको काम सकेपछि मात्र महाधिवशेन कार्यतालिका ल्याउने पक्षमा छ ।

पौडेल पक्ष महाधिवशेनको कार्यतालिका नल्याई नछोड्ने बताईरहेको छ । अहिले नमिलेको एजेण्डा पनि यत्ति नै हो । तर यसभित्र आगामी महाधिवशेनको नेतृत्व कसले उछिटाउने भन्ने भोट बैकहरुको रिहर्सल शुरु हुँदाको परिणति अहिलेको विवादको जड भएको काँग्रेसका जो कोही नेता कार्यकर्ताले पनि बुझेका छन् ।

यही बिच तेश्रो गुटका भनिएका नेता कृष्ण सिटौला पनि आफनो भूमिका वढाउन सक्रिय हुन थालेका छन् । उनी न वहिष्कार, न अल्पमत÷बहुमत भन्दै तेश्रो धारवाट आफनो भूमिका बढाउन खोजिरहेका छन् । उनको पनि यसभित्र आफनो गुट सञ्चालनको राजनीतिक पदचापको खोजी भएको काँग्रेस नेताहरुको बुझाई छ ।

निरन्तर पौडेल र देउवा पक्षका वीचको विवाद देखिन थालेपछि उनले भूमिका बढाउन थालेका हुन् । एउटा समुहको वहिष्कारका बीच अल्पमत र बहुमतले पार्टी निर्णय लिन नहुने भन्दै उनले सोमबार पार्टी कार्यलयमा देउवा पुगेका बेला पुगेर आफनो मत राखेका छन् । उता पौडेल पक्षलाई पार्टी बैठक बहिष्कार गरेर निश्र्कषमा पुग्न नसकिने भन्दै सहमतिमा आउन पौडेल पक्षलाई आग्रह गरिरहेका छन् ।

आज पनि सहमतिकालागि दुवै पक्ष आन्तरिक छलफलमा बस्दैछ । सिटौलाले पनि आफनो भूमिका बढाउन दाउ खोजिरहेका छन् । पौडेल पक्षले बैठक बहिष्कार नै गरिरहे देउवा पक्ष २०७७ को फागुन अन्तिमसम्म महाधिवशेन गराउने गरी कार्यतालिका ल्याउन लचिलो बन्न खोजेको छ । तर यसमा पनि पौडेल पक्षले मानेको छैन ।

उसले २०७७ को मंसिर ५ देखि ८ गते सम्म महाधिवेशनको मिति तोक्न भन्दै डेटलाइन नै सभापति देउवालाई बुझाएको छ ।  को झुक्ने भन्ने प्रतिस्पर्धाका वीच सिटौलाले भने आफनो भूमिका काग्रेसमा देखाउन अहिले दुवै पक्षका नेताहरुका बीचमा मध्यस्थताको खोजी शुरु गरेको उनी निकट नेताहरुको भनाई छ ।