'हतियार टेबुलटेनिस कोर्टमा फेला परेको हो' :  चितवन मेडिकल कलेज

चितवन । चितवन मेडिकल कलेजले शनिबार होस्टल परिसरको टेबुलटेनिस कोर्टमा हतियार फेला परेको जनाएको छ । 

कलेजले आईतबार प्रेस विज्ञप्ती जारी गर्दै टेबुलटेनिस कोर्टमा निलो रंगको झोला भित्र शंकास्पद वस्तु देखिएको र प्रहरीलाई खबर गरेपछि अनुसन्धान गर्ने क्रममा हतियार फेला परेको जनाएको छ ।  विज्ञप्तीमा सार्वजनिक स्थलमा भएको यस प्रकारको गैह्रकानुनी कार्यको घोर भत्र्सना गर्दै उक्त कार्यमा संलग्नलाई आवश्यक अनुसन्धान गरि कारवाहीको माग गरेको छ । 

यस्तो घृणित कार्यमा चितवन मेडिकल कलेजका विद्यार्थी लगायत कुनै सदस्यहरु संलग्न नभएको ठहर गर्दै घटनाको निष्पक्ष छानविनमा सहयोग गर्न सबैसंग अपिल गरिएको विज्ञप्तीमा उल्लेख छ ।